ମୁମ୍ବାଇ: ଶନିବାର ଛଟ୍ ପୂଜା ପାଳନ ଅନ୍ତିମ ଦିବସରେ ସୂର୍ଯ୍ୟ ଉଦୟ ସମୟରେ ଶ୍ରଦ୍ଧାଳୁମାନେ ଖଡଖାଇ ନଦୀଘାଟରେ ବୁଡ ପକାଇଛନ୍ତି । ପୂଜା ଅର୍ଚ୍ଚନା ସାରି ଛଟପୂଜା ବ୍ରତ ସମାପନ କରିଛନ୍ତି ସମସ୍ତେ । ସେପଟେ ବଲିଉଡ ସେଲିବ୍ରିଟି ଏହାର ଶୁଭେଚ୍ଛା ଫ୍ୟାନ୍ସଙ୍କୁ ଜଣାଇଛନ୍ତି । ଏହି କ୍ରମରେ ସାମିଲ ଅଛନ୍ତି ସୁପରଷ୍ଟାର ହ୍ରିତିକ ରୋଶନ, ଅନୁପମ ଖେର, ପଙ୍କଜ ତ୍ରିପାଠୀ । ଶୁକ୍ରବାର ସେଲିବ୍ରିଟି ସୋସିଆଲ ମିଡିଆରେ ଫ୍ୟାନ୍ସଙ୍କୁ ଶୁଭେଚ୍ଛା ଦେଇଥିଲେ ।
‘ଲୁଡୋ’ ଅଭିନେତା ପଙ୍କଜ ନିଜ ପିଲାବେଳେ ବିତାଇଥିବା ଛଟପୂଜା ବିଷୟରେ ମନେ ପକାଇ ଟ୍ବିଟରେ ଲେଖିଥିଲେ, ‘ସୂର୍ଯ୍ୟ ପୂଜାର ମହାପର୍ବ ଛଟ ପୂଜାରେ ଆପଣ ସମସ୍ତଙ୍କୁ ହାର୍ଦ୍ଦିକ ଶୁଭେଚ୍ଛା ଜୟ ଛଟି ମାୟା ।’
ସେପଟେ ‘ୱାର’ ଷ୍ଟାର ହ୍ରିତିକ ଲେଖିଛନ୍ତି, ‘ହାପି ଛଟ୍ ପୂଜା ସମସ୍ତ ଶ୍ରଦ୍ଧାଳୁଙ୍କୁ । ଏଠାରେ ଆଶା କରୁଛି ଯେ ଏହି ଉତ୍ସବର ସକାରାତ୍ମକତା ଆମ ପାଇଁ ଭଲ ଦିନ ଆଣିବ । ସୁରକ୍ଷିତ ରୁହ, ସୁସ୍ଥ ରୁହ ।’