ପୁରୀ: କାଳିଆ ପ୍ରେମରେ ବନ୍ଧା ଅଭିନେତା ଗୋବିନ୍ଦା । ପୁଣିଥରେ ବଲିଉଡ ଅଭିନେତା ଗୋବିନ୍ଦା ମଙ୍ଗଳବାର ଶ୍ରୀକ୍ଷେତ୍ର ଆସି ରତ୍ନ ସିଂହାସନରେ ଚତୁର୍ଦ୍ଧା ବିଗ୍ରହଙ୍କୁ ଦର୍ଶନ କରିଛନ୍ତି । ମହାପ୍ରଭୁଙ୍କ ସେ ଜଣେ ପରମ ଭକ୍ତ । ପ୍ରଭୁଙ୍କ ଡାକରାରେ ପୁନର୍ବାର ପୁରୀ ଆସିବାର ସୌଭାଗ୍ୟ ପାଇଛନ୍ତି । ଏଥିସହ କୋଭିଡ ଦ୍ବିତୀୟ ଲହର ଜନିତ କଟକଣା ଭିତରେ ଶ୍ରୀମନ୍ଦିରରେ ଭକ୍ତଙ୍କ ପାଇଁ ଦର୍ଶନ ବ୍ୟବସ୍ଥା ଅତି ଶୃଙ୍ଖଳିତ ହୋଇଥିବା ଗୋବିନ୍ଦା କହିଛନ୍ତି ।
ଶ୍ରୀକ୍ଷେତ୍ରରେ ଗୋବିନ୍ଦା, ପୁଣିଥରେ ମହାପ୍ରଭୁଙ୍କୁ କଲେ ଦର୍ଶନ
ଗୋଟିଏ ସମୟରେ ଜୀବନର ଜଟିଳ ପରିସ୍ଥିତି ମଧ୍ୟ ଦେଇ ଗତି କରୁଥିବା ଗୋବିନ୍ଦା ମହାପ୍ରଭୁଙ୍କ ଦର୍ଶନ ପରେ ସେ ସବୁ ଅନେକାଂଶରେ ଦୂର ହୋଇଛି । ଦର୍ଶନ ପରେ ତାଙ୍କ ଜୀବନ ଶାନ୍ତି ଓ ଖୁସିମୟ ହେବ ବୋଲି ଗଣମାଧ୍ୟମ ସାମ୍ନାରେ ଏହି ବଲିଉଡ ଅଭିନେତା ପ୍ରତିକ୍ରିୟା ଦେଇଛନ୍ତି ।