ମୁମ୍ବାଇ: ଆଜି(ଶୁକ୍ରବାର) ହେଉଛି ପବିତ୍ର ଗଣେଶ ଚତୁର୍ଥୀ । ସାରା ଦେଶ ଏହି ପବିତ୍ର ଦିନଟିକୁ ପାଳନ କରୁଥିବା ବେଳେ ବଲିଉଡ ସେଲିବ୍ରିଟିମାନେ ମଧ୍ୟ ନିଜ ଘରକୁ ଗଣପତି ବପ୍ପାଙ୍କ ଆଗମନକୁ ଧୁମଧାମରେ ପାଳନ କରୁଛନ୍ତି । ତେବେ ବଲିଉଡ଼ ଅଭିନେତା ଗୋବିନ୍ଦା ମଧ୍ୟ ଗଣପତି ମୂର୍ତ୍ତିକୁ ଶ୍ରଦ୍ଧା ଓ ସମ୍ମାନର ସହିତ ଆଣିଥିବା ବେଳେ ଗ୍ରାଣ୍ଡ ସେଲିବ୍ରେସନ କରିଛନ୍ତି ।
ଗଣପତି ବପ୍ପାଙ୍କୁ ଘରକୁ ଆଣିଲେ ଗୋବିନ୍ଦା
ପ୍ରତିବର୍ଷ ଗୋବିନ୍ଦା ନିଜ ଘରକୁ ଗଣପତିଙ୍କୁ ଆଣିଥାନ୍ତି ଏବଂ ଖୁସି ଓ ଭକ୍ତିର ସହକାରେ ପୂଜା କରିଥାନ୍ତି । କିନ୍ତୁ ଚଳିତ ବର୍ଷ କୋରୋନା କଟକଣା ମଧ୍ୟରେ ଗୋବିନ୍ଦା ଗଣେଶୋତ୍ସବକୁ ପାଳନ କରିଛନ୍ତି । ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ସେ ପରିବାର ସହିତ ପୂଜାକୁ ପାଳନ କରିଛନ୍ତି । ଏହି ଉତ୍ସବ ସମୟରେ ପୁତ୍ର ୟଶବର୍ଦ୍ଧନ ଆହୁଜା ଓ ପତ୍ନୀ ସୁନିତା ଆହୁଜା ଉପସ୍ଥିତ ଥିଲେ ।