ମୁମ୍ବାଇ: ବି-ଟାଉନର ବିକ୍କୀ ଡୋନର ଆୟୁଷ୍ମାନ ଖୁରାନା ବର୍ତ୍ତମାନ ନିଜର ଆଗାମୀ ଫିଲ୍ମ ‘ଅନେକ’କୁ ନେଇ ଚର୍ଚ୍ଚାରେ । ନିର୍ଦ୍ଦେଶକ ଅନୁଭବ ସିହ୍ନାଙ୍କ ଏହି ଥ୍ରିଲର, ଆକ୍ସନ ଫିଲ୍ମରେ ଖୁବଶୀଘ୍ର ନଜର ଆସିବେ ସେ । ନିକଟରେ ଫିଲ୍ମରୁ ତାଙ୍କ କୁଲ ଅବତାର ଦେଖିବାକୁ ମିଳିଥିଲା । ହେଲେ ଏବେ ସେ ଫ୍ୟାମିଲି ସହ ଆସାମର ନ୍ୟାସନାଲ ପାର୍କ କାଜିରଙ୍ଗାରେ ମଜାମସ୍ତି କରୁଥିବାର ନଜର ଆସୁଛନ୍ତି । ଏକଥା ଆମେ କହୁନାହୁଁ ଏହା ତାଙ୍କ ନୂଆ ସୋସିଆଲ ମିଡିଆ ପୋଷ୍ଟରୁ ଜଣାପଡୁଛି ।
‘ଡ୍ରିମ ଗାର୍ଲ’ ଆକ୍ଟର ସୋମବାର ଇନଷ୍ଟାଗ୍ରାମରେ ପୁରା ପରିବାର ସହ ନିଜର ଏକ ଫଟୋ ପୋଷ୍ଟ କରିଥିଲେ । ଯେଉଁଥିରେ ତାଙ୍କ ପତ୍ନୀ ତାହିରା କଶ୍ୟପ ଓ ଦୁଇ ପୁଇ, ଝିଅ ନଜର ଆସୁଛନ୍ତି ।