କ୍ଷମା ମାଗିଲେ ଅନୁପମ, ଜାଣନ୍ତୁ କାହିଁକି...

ଭାଇରାଲ ହେଉଛି ଅନୁପମଙ୍କ ଟ୍ବିଟର ପୋଷ୍ଟ । କବିତା ପଢୁଥିବାର ଆସିଲେ ନଜର । ହେଲେ କବିତା ପାଇଁ ଭୁଲ ମାଗିଲେ ଅଭିନେତା । ଅଧିକ ପଢନ୍ତୁ...

ମୁମ୍ବାଇ: ସବୁବେଳେ ସୋସିଆଲ ମିଡିଆରେ ଆକ୍ଟିଭ ରୁହନ୍ତି ଭେଟେରାନ ଆକ୍ଟର ଅନୁପମ ଖେର । ପ୍ରାୟତଃ ସାମାଜିକ ଓ ରାଜନୈତିକ ପ୍ରସଙ୍ଗରେ କହୁଥିବା ଅନୁପମ ଏଥର ନିଜର ଏକ ଭୁଲ ପାଇଁ ଚର୍ଚ୍ଚାର ବିଷୟ ପାଲଟିଛନ୍ତି । ନିକଟରେ ସେ ନିଜର ଏକ ଭିଡିଓ ପୋଷ୍ଟ କରି କବିତା ଶୁଣାଇଥିଲେ । କବିତା ଦ୍ବାରା ସେ କୋରୋନା କାଳରେ ଦେଶବାସୀଙ୍କୁ ସାହାସ ଯୋଗାଇବାକୁ ଚେଷ୍ଟା କରିଥିଲେ ।

ହେଲେ କବିତାର ଲେଖକଙ୍କ ନାମ ରାମଧାରୀ ସିଂ ଦିନକର କହି ବର୍ତ୍ତମାନ କ୍ଷମା ମାଗିଛନ୍ତି । କଥାଟି ହେଲା ଯେ ତାଙ୍କୁ ଯେତେବେଳେ ଜାଣାପଡିଲା ଯେ ସେ ପଢିଥିବା କବିତା ରାମଧାରୀଙ୍କର ନୁହେଁ ବରଂ ଇନ୍ଦୋର କବି ହର୍ଷବର୍ଦ୍ଧନ ପ୍ରକାଶଙ୍କର । ତେବେ ସେ ସମସ୍ତଙ୍କୁ କ୍ଷମା ମାଗିଥିଲେ ।

ଆଉ ପୋଷ୍ଟ କରି ଲେଖିଥିଲେ, ‘ମୋର ଜଣେ ବନ୍ଧୁ ମତେ କହିଲେ ଯେ ମୁଁ ପଢିଥିବା କବିତା ରାମାଧାରୀଙ୍କ ନୁହେଁ । ମୁଁ ଭୁଲ ନାମ ନେଇଥିବାରୁ କ୍ଷମା ମାଗୁଛି । ଧନ୍ୟବାଦ ହର୍ଷବର୍ଦ୍ଧନ ପ୍ରକାଶ ଆମକୁ ଏହି ପ୍ରେରଣାଦାୟକ କବିତା ଦେଇଥିବାରୁ ।’