ସୁଟିଂସେଟରେ ଆହତ ଟାଇଗର

‘ବାଗୀ 3’ର ସୁଟିଂରେ ଲାଗିପଡିଛନ୍ତି ‘ୱାର’ ହିରୋ ଟାଇଗର ଶ୍ରଫ । ଆକ୍ସନ ସିନ ସମୟରେ ଲାଗିଲା ତାଙ୍କୁ ଆଘାତ । ସୋସିଆଲ ମିଡିଆରେ ଫ୍ୟାନ୍ସଙ୍କୁ ଦେଲେ ସୂଚନା ।

ମୁମ୍ବାଇ: ବହୁତ କମଦିନରେ ଆକ୍ସନ ଆକ୍ଟର ଟାଇଗର ଏହା ସାବ୍ୟସ୍ତ କରିବାରେ ସଫଳ ହୋଇଛନ୍ତି ଯେ ବଲିଉଡରେ ତାଙ୍କ ଆକ୍ସନ ଓ ଡାନ୍ସର ମୁକାବୁଲା କରିବା କଷ୍ଟଦାୟକ । ବର୍ତ୍ତମାନ ସେ ନିଜର ଆଗାମୀ ଫିଲ୍ମ ‘ବାଗୀ 3’କୁ ନେଇ ଖୁ୍ବ୍ ବ୍ୟସ୍ତ । ଇତିମଧ୍ୟରେ ତାଙ୍କ ଫ୍ୟାନ୍ସଙ୍କୁ ମିଳିଛି ବଡ ଝଟକା । କାରଣ ସୁଟିଂ ସେଟରେ ଆହତ ହୋଇଛନ୍ତି ତାଙ୍କ ଫେଭରେଟ ଆକ୍ଟର ଟାଇଗର । କିନ୍ତୁ ଖୁସିର କଥା ଏହାକି ଅଳ୍ପକେ ବର୍ତ୍ତି ଯାଇଛନ୍ତି ଟାଇଗର ।

ଏହି କଥାର ସୂଚନା ସେ ଫ୍ୟାନ୍ସଙ୍କୁ ଇନଷ୍ଟାଗ୍ରାମରେ ନିଜର ଫଟୋ ସେୟାର କରି ଦେଇଛନ୍ତି । ଏହାର କ୍ୟାପସନରେ ସେ ଲେଖିଛନ୍ତି, ‘ଯୁଦ୍ଧଭୂମିରେ ମିଳିଥିବା ଆଘାତର ପ୍ରଥମ ସେଟ ଏବଂ ଆଶା କରୁଛି ଯେ ମୁଁ ଗାଧୋଇ ସାରିବା ପରେ ଏହି ଦାଗ ଦେଖା ମଧ୍ୟ ଯିବ ନାହିଁ ।’

ସେ ସେୟାର କରିଥିବା ଫଟୋରେ ତାଙ୍କ ପିଠି ଦେଖିବାକୁ ମିଳୁଛି । ଯେଉଁଥିରେ କିଛି ଲାଲ ଦାଗ ଏବଂ କଟ ମାର୍କ ସ୍ପଷ୍ଟ ରୂପେ ଦେଖାଯାଇଛି । ପ୍ରକାଶ ଥାଉକି ‘ବାଗୀ’ ଫ୍ରାଞ୍ଚାଇଜର ଏହି ଫିଲ୍ମରେ ପୁଣିଥରେ ଟାଇଗର ଓ ସୁନ୍ଦରୀ ଅଭିନେତ୍ରୀ ଶ୍ରଦ୍ଧା କପୁରଙ୍କ ରୋମାନ୍ସ ଦେଖିବାକୁ ମିଳିବ । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ଅହମ୍ମଦ ଖାନ । ଫିଲ୍ମରେ ‘ମରଜାୱାଂ’ର ଭିଲେନ ରିତେଶ ଦେଶମୁଖ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଆସନ୍ତା ବର୍ଷ ମାର୍ଚ୍ଚ 6ରେ ‘ବାଗୀ 3’ ରିଲିଜ କରିବାର ଯୋଜନା କରିଛନ୍ତି ମେକର୍ସ ।