ତାଙ୍କ ଶବ୍ଦରେ ରହିଛି ସହନଶୀଳତା । ତାଙ୍କ ଆବାଜରେ ରହିଛି ପରିବର୍ତ୍ତନର ସ୍ବର । ସେ ସାହାସୀ ତ କେତେବେଳେ ସେ ଆକ୍ରମଣାତ୍ମକ ..ତଥାପି ତାଙ୍କର ହୃଦୟ କୋମଳ । ମଲ୍ଟି ଟ୍ୟାଲେଣ୍ଟଡେ ଫରହାନ ଅଖତରଙ୍କୁ ଆଜି ପୁରୁଛି 44 ବର୍ଷ । ଏବର୍ଷ ଫରହାନଙ୍କ ଜନ୍ମଦିନ ସମୟରେ ହିଁ ଦେଶରେ ସାମାଜିକ ଓ ରାଜନୈତିକ ମାହୋଲ ଅଶାନ୍ତ ରହିଛି । ଆଉ ମହିଳାଙ୍କ ସୁରକ୍ଷାକୁ ନେଇ ପ୍ରଶ୍ନ ଉଠୁଛି।
ଭିଡିଓ ସୌଜନ୍ୟ: ଇଟିଭି ଭାରତ. ବ୍ୟୁରୋ
ଫରହାନଙ୍କ ଭଳି ବ୍ୟକ୍ତିତ୍ବଙ୍କ ଆବଶ୍ୟକ ଆଜିର ସମୟରେ କାହିଁକି ରହିଛି ତାହା ଆମେ ତାଙ୍କ ଜନ୍ମଦିନରେ ଜଣାଇବୁ । ସହାନୁଭୁତି ଭଳି ଶବ୍ଦ ଫରହାନ ନିଜ ମାତ-ପିତା ଜାଭେଦ ଅଖତର ଓ ହନି ଇରାନୀଙ୍କ ଠାରୁ ଶିଖିଛନ୍ତି । ବୟସ ଏବଂ ସମୟ ସହ ସେ ନିଜକୁ ସଫଳ କରିଦେଖାଇଛନ୍ତି ।
ବଲିଉଡର ବହୁ ଅଭିନେତାଙ୍କ ମଧ୍ୟରେ ଫରହାନ ଭିନ୍ନ। ଯିଏ ଫିଲ୍ମ ବ୍ୟତୀତ ସାମାଜିକ ପ୍ରସଙ୍ଗରେ ସବୁବେଳେ ନିଜ ପ୍ରତିକ୍ରିୟା ରଖନ୍ତି । ତାହା ମହିଳାଙ୍କ ସୁରକ୍ଷା ହେଉ କିମ୍ବା ସିଏଏ ବିରୁଦ୍ଧରେ ବିରୋଧ ପ୍ରଦର୍ଶନ । ଫରହାନ ସବୁବେଳେ ନିଜ ପ୍ରଶଂସକଙ୍କୁ ନିଜ ମତାମତ ଜଣାଇଛନ୍ତି ।