ହାଇଦ୍ରାବାଦ: 'ବିଗବସ୍ ୧୫' ଟ୍ରଫି ହାତେଇଛନ୍ତି ଅଭିନେତ୍ରୀ ତେଜସ୍ୱୀ ପ୍ରକାଶ । ଗତକାଲି ଆୟୋଜିତ ବିଗବସ ୧୫ର ଗ୍ରାଣ୍ଡ ଫାଇନାଲରେ ସେ ବିଜେତା ହୋଇଛନ୍ତି । ଶୋର ସବୁ ପ୍ରତିଯୋଗୀଙ୍କୁ ମାତ୍ ଦେଇ ଏଥର ‘ବିଗବସ’ ମୁକୁଟ ପିନ୍ଧିଛନ୍ତି ତେଜସ୍ବୀ । ଟ୍ରଫି ସହ ତାଙ୍କୁ ୪୦ ଲକ୍ଷ ଟଙ୍କା ମଧ୍ୟ ପୁରସ୍କାର ରାଶି ପ୍ରଦାନ କରାଯାଇଛି । ପ୍ରଥମ ରନର୍ସ ଅପ୍ ପ୍ରତୀକ ସାହାଜପାଲ ହୋଇଥିବା ବେଳେ ଦ୍ବିତୀୟ ରନର୍ସ ଅପ୍ ହୋଇଛନ୍ତି କରନ କୁନ୍ଦ୍ରା ।
ଘରକୁ ଫେରିଲେ ବିଗ୍ ବସ୍ ବିଜେତା, ସ୍ବାଗତ କଲେ କରନ
ଗ୍ରାଣ୍ଡ୍ ଫାଇନାଲ୍ ପରେ ତେଜସ୍ୱୀଙ୍କୁ ବଡ ଧୁମଧାମରେ ସ୍ୱାଗତ କରିଛନ୍ତି କରନ ଏବଂ ତାଙ୍କ ପିତାମାତା। ଶୋ’ରେ ତେଜସ୍ୱୀଙ୍କ ପ୍ରେମିକ କରନ କୁନ୍ଦ୍ରା ମଧ୍ୟ ତାଙ୍କ ସହିତ ଥିଲେ। ବିଗ୍ ବସ ଘରେ 120 ଦିନ ରହିବା ପରେ ସେ ଘରକୁ ଫେରିଛନ୍ତି। ତାଙ୍କୁ ସ୍ୱାଗତ କରିବା ପାଇଁ ପିତା-ମାତା ବିଗ୍ ବସ୍ 15 ର ଏକ ଜଙ୍ଗଲ-ଥିମରେ ଘରକୁ ସଜାଇଥିଲେ। ସେ ସେୟାର କରିଥିବା ଭିଡିଓରେ ତାଙ୍କ ପ୍ରେମିକ କରଣ କୁନ୍ଦ୍ରା ମଧ୍ୟ ନଜର ଆସିଛନ୍ତି।