ମୁମ୍ବାଇ: ବିଗ ବସ 13 ପରେ କଲର୍ସ ଚ୍ୟାନେଲରେ ଆରମ୍ଭ ହୋଇଯାଇଛି ଆକ୍ସନ ଶୋ ‘ଖତରୋଂ କେ ଖିଲାଡି ସିଜନ 10’ । ଯାହା ବର୍ତ୍ତମାନ ଦର୍ଶକଙ୍କ ମନ କିଣିବାରେ ଲାଗିଛି । ଶୋରେ ପ୍ରସ୍ତୁତ କରାଯାଇଥିବା ଭୟର ୟୁନିଭରର୍ସିଟି ଦର୍ଶକଙ୍କୁ ଖୁବ୍ ଏଣ୍ଟରଟେନ କରୁଛି । ଶୋରେ ସେଲିବ୍ରିଟି ପ୍ରତିଯୋଗୀଙ୍କ ମଧ୍ୟରେ କଡା ଟକ୍କର ମଧ୍ୟ ଦେଖିବାକୁ ମିଳୁଛି । ବିଗ ବସ ପରେ ଏହି ଶୋର ମଧ୍ୟ ଟିଆରପି ବଢିଚାଲିଛି । ଏବେ ଶୋରେ ଦେଖିବାକୁ ମିଳିବ ବଡ ଟ୍ୟୁଷ୍ଟ । ଏକ ଏମିତି ଟ୍ୟୁଷ୍ଟ ଯାହା ପରିବର୍ତ୍ତନ କରିବାକୁ ଯାଉଛି ଅନେକ ସମୀକରଣ ।
କଥାଟି ହେଲା ଯେ ଶୋର ହୋଷ୍ଟ ରୋହିତ ସେଟ୍ଟୀ ଘୋଷଣା କରିଛସାରିଛନ୍ତି ଯେ ଶୋରେ ନୂଆ ୱାଇଲ୍ଡ କାର୍ଡ ଏଣ୍ଟ୍ରି ହେବ । ହେଲେ ୱାର୍ଲ୍ଡ କାର୍ଡରେ କିଏ ଶୋରେ ପ୍ରବେଶ କରିବା ତାହା ନେଇ କୌଣସି ଖୁଲାସା ହୋଇନାହିଁ। ଏହାସହ ଚର୍ଚ୍ଚା ଜୋର ଧରିଛି ଯେ ବିଗ ବସ 13 ବିଜେତା ସିଦ୍ଧାର୍ଥ ଶୁକ୍ଲା ଶୋରେ ଏଣ୍ଟ୍ରି କରିବେ। ଯାହାକୁ ନେଇ ତାଙ୍କ ଫ୍ୟାନ୍ସଙ୍କ ଖୁସି ନକହିଲେ ସରେ । କିନ୍ତୁ ମେକର୍ସଙ୍କ ତରଫରୁ ଏହାକୁ ନେଇ କୌଣସି ଘୋଷଣା ହୋଇନାହିଁ । ଏବେ ଆଗାମୀ ଏପିସୋଡରେ ଜଣାପଡିବ ସିଦ୍ଧାର୍ଥ ଶୋରେ ନଜର ଆସିବେ କି ଆଉ କିଏ ।
ପ୍ରକାଶ ଥାଉକି ‘ଖତରୋଂ କେ ଖିଲାଡି’ରେ ଷ୍ଟଣ୍ଟ ବ୍ୟତୀତ ମସ୍ତି ମଧ୍ୟ ଖୁବ୍ ଦେଖିବାକୁ ମିଳିଥାଏ । ଏହାର ଝଲକ ବର୍ତ୍ତମାନ ଭାଇରାଲ ହେଉଥିବା ଏକ ପ୍ରୋମୋ ଭିଡିଓରେ ଆପଣ ଦେଖିପାରିବେ...
