ରିଆ-ମହେଶଙ୍କ ପାଇଁ ଦୁଃଖିତ ବିଗ ବସ 13 ପ୍ରତିଯୋଗୀ ତହସୀନ

ଟ୍ବିଟ କରି ଚର୍ଚ୍ଚାରେ ‘ବିଗ ବସ 13’ରେ ନଜର ଆସିଥିବା ତହସୀନ। ସେ ରିଆଙ୍କୁ ସମର୍ଥନ କରି ଦୁଃଖ ସୋସିଆଲ ମିଡିଆରେ ଦୁଃଖ ପ୍ରକାଶ କରିଛନ୍ତି।

ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ସୁଇସାଇଡ ମାମଲା ପରିବାରବାଦରୁ ହଟି ଏବେ ତାଙ୍କ କଥିତ ଗାର୍ଲଫ୍ରେଣ୍ଡ ରିଆ ଚକ୍ରବର୍ତ୍ତୀଙ୍କ ଉପରକୁ ଆସିଯାଇଛି । ସୁଶାନ୍ତଙ୍କ ପିତା ନିକଟରେ ରିଆଙ୍କ ବିରୋଧରେ ବିହାରରେ ଏଫଆଇଆର ରୁଜୁ କରି ଅନେକ ଅଭିଯୋଗ ଲଗାଇଥିଲେ । ଏହି ମାମଲାରେ ଏବେ ମୁମ୍ବାଇ ପୋଲିସ ସହ ବିହାର ପୋଲିସ ମିଶି ତଦନ୍ତ ଆରମ୍ଭ କରିଛି । ପୂର୍ବରୁ ଟ୍ରୋଲର୍ସଙ୍କ ଟାର୍ଗେଟରେ ଥିବା ରିଆଙ୍କୁ ଏବେ ଆହୁରି ସମାଲୋଚନାର ଶିକାର ହେବାକୁ ପଡିଛି । ଇତିମଧ୍ୟରେ ତାଙ୍କୁ ସମର୍ଥନ କରୁଥିବାର ନଜର ଆସୁଛନ୍ତି ‘ବିଗ ବସ 13’ ପ୍ରତିଯୋଗୀ ତହସୀନ ପୁନାୱାଲା ।

ସେ ରିଆଙ୍କ ସହ ଭଟ୍ଟ ପରିବାରକୁ ମଧ୍ୟ ସମର୍ଥନ କରିଛନ୍ତି । ବଲିଉଡ ପ୍ରଯୋଜକ ତନୁଜ ଗର୍ଗଙ୍କ ଟ୍ବିଟର ଜବାବ ଦେଇ ସେ ଲେଖିଛନ୍ତି, ‘ମୁଁ ରିଆଙ୍କ ପାଇଁ ଦୁଃଖ ଅନୁଭବ କରୁଛି । ଭାବନ୍ତୁ ରିଆଙ୍କୁ କଣ କଣ ସହିବାକୁ ପଡୁଥିବ। କେବଳ ରିଆ ନୁହେଁ ଭଟ୍ଟ ସାହେବ ଓ ଅନ୍ୟ ଲୋକ ଏହି ସମସ୍ୟା ଦେଇ ଗତି କରୁଛନ୍ତି।’

ପ୍ରକାଶ ଥାଉକି ସୁଶାନ୍ତଙ୍କ ମୃତ୍ୟୁରେ କ୍ରୋଧିତ ଥିବା ଫ୍ୟାନ୍ସ ସୋସିଆଲ ମିଡିଆରେ ରିଆଙ୍କୁ ସୁଶାନ୍ତଙ୍କ ହତ୍ୟାକାରୀ ମଧ୍ୟ କହିବା ଆରମ୍ଭ କରିଦେଇଛନ୍ତି । ସେହିପରି ନିକଟରେ ତାଙ୍କୁ ଦୁଷ୍କର୍ମ ଓ ହତ୍ୟାର ଧମକ ମଧ୍ୟ ମିଳିଥିଲା । ଯାହାର ଅଭିଯୋଗ ସେ ପୋଲିସରେ କରିଥିଲେ । ଆଉ ସୁଶାନ୍ତଙ୍କ କେସରେ ସିବିଆଇ ଯାଞ୍ଚ କରିବାକୁ ସେ ଗୃହମନ୍ତ୍ରୀ ଅମିତ ଶାହଙ୍କୁ ଚିଠି ମଧ୍ୟ ଲେଖିଥିଲେ।