ମୁମ୍ବାଇ: ଚାଷୀ ଆନ୍ଦୋଳନକୁ ନେଇ ବିବାଦୀୟ ଅଭିନେତ୍ରୀ କଙ୍ଗନା ରଣାୱତ ବିରୋଧ କରିବା ସହ ଚାଷୀଙ୍କୁ ଆତଙ୍କବାଦୀ ସହ ତୁଳନା କରି ସମାଲୋଚନାର ପୁଣି ଶିକାର ହୋଇଛନ୍ତି । ନିକଟରେ ହଲିଉଡ ଷ୍ଟାର ରିହାନାଙ୍କ ଟ୍ବିଟରେ ପ୍ରତିକ୍ରିୟା ଦେଇ ଏପରି ଆପତ୍ତିଜନକ ବୟାନ ଦେଇଥିଲେ ସେ । ଏହି ପ୍ରସଙ୍ଗରେ ଏବେ ତାଙ୍କ ଉପରେ ବର୍ଷିଛନ୍ତି ବିଗବସ ଫେମ ତଥା ପଞ୍ଜାବୀ ଅଭିନେତ୍ରୀ ହିମାଂଶୀ ଖୁରାନା ।
କଙ୍ଗନାଙ୍କ ନାଁ ନନେଇ ହିମାଂଶୀ ସୋସିଆଲ ମିଡିଆରେ କଡା କଥା ଶୁଣାଇଛନ୍ତି । କୃଷକମାନଙ୍କୁ ଆତଙ୍କବାଦୀ ବୋଲି ବର୍ଣ୍ଣନା କରୁଥିବା ସେଲିବ୍ରିଟି ହିମାଂଶୀଙ୍କ ଦୃଷ୍ଟିରେ ଆତଙ୍କବାଦୀ ପରି କାମ କରୁଛନ୍ତି । ସେମାନେ ନିଜେ ଦେଶ ବିଭାଜନ ପାଇଁ କାର୍ଯ୍ୟ କରୁଛନ୍ତି ବୋଲି ଏକ ପୋଷ୍ଟରେ ଜଣାଇଛନ୍ତି ସେ ।