ମୁମ୍ବାଇ: ସଲମାନ ଖାନଙ୍କ ରିୟାଲିଟି ଶୋ ବିଗ ବସ 13ରେ ଦମଦାର ପ୍ରତିଯୋଗୀ ମଧ୍ୟରେ ଅନ୍ୟତମ ଆସୀମ ରିୟାଜ । ଦର୍ଶକ ବିଗ ବସ ହାଉସରେ ତାଙ୍କ ଖେଳକୁ ଖୁବ୍ ପସନ୍ଦ କରୁଛନ୍ତି । ବର୍ତ୍ତମାନ ଆସୀମ ଓ ସିଦ୍ଧାର୍ଥ ଶୁକ୍ଲାଙ୍କ ଲଢେଇର ଖୁବ୍ ମଜା ଉଠାଇବାରେ ଲାଗିଛନ୍ତି ଦର୍ଶକ ଏବଂ ମେକର୍ସ । ଦୁଇଜଣଙ୍କ ଲଢେଇରେ ଶୋର ଟିଆରପି ବଢିଚାଲିଛି । ଖାଲି ଏତିକି ନୁହେଁ ଏବେ ସେ ପ୍ରତିଯୋଗୀ ହିମାଂଶୀ ଖୁରାନାଙ୍କୁ ନିଜ ହୃଦୟ ଦେଇ ବସିଛନ୍ତି । ଇତିମଧ୍ୟରେ ଆସୀମଙ୍କୁ ନେଇ ନୂଆ ଖବର ସାମ୍ନାକୁ ଆସିଛି ।
କଥାଟି ହେଲା କି ଆସୀମ ଏକଦା ବି-ଟାଉନର ହ୍ୟାଣ୍ଡସମ ଆକ୍ଟର ବରୁଣ ଧୱନଙ୍କ ଠାରୁ ମାଡ ଖାଇସାରିଛନ୍ତି । ଯାହାକୁ ନେଇ ଏବେ ଚର୍ଚ୍ଚା ଚାଲିଛି । ଟ୍ବିଟରରେ ଆସୀମଙ୍କ ଫ୍ୟାନକ୍ଲବ ପେଜ ଦ୍ବାରା ଏକ ଭିଡିଓ ସେୟାର କରାଯାଇଛି । ଯେଉଁଥିରେ ସେ ହକି ଷ୍ଟିକ ଧରି ବରୁଣଙ୍କୁ ମାରିବାକୁ ଦୌଡଛନ୍ତି । କିନ୍ତୁ ପରିଶେଷରେ ବରୁଣଙ୍କ ଠାରୁ ଗୋଟିଏ ପଞ୍ଚ ଖାଇ ଟଳିପଡୁଛନ୍ତି ଆସୀମ । ଯାହା ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।