ହାଇଦ୍ରାବାଦ:'ବାହୁବଲୀ' ପ୍ରଭାସଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ରାଧେ ଶ୍ୟାମ'କୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି । ପୋଷ୍ଟର ଠାରୁ ଟିଜର ପର୍ଯ୍ୟନ୍ତ ଏବଂ ଫିଲ୍ମର ଗୀତଗୁଡ଼ିକ ପ୍ରଥମରୁ ହିଁ ଧମାଲ ମଚାଇସାରିଛି । ଏବେ 'ରାଧେ ଶ୍ୟାମ' ବିଷୟରେ ଆଉ ଏକ ବଡ଼ ଖବର ଆସିଛି । ଫିଲ୍ମର ନିର୍ମାତା ପ୍ରକାଶ କରିଛନ୍ତି ଯେ, ବଲିଉଡ ଅଭିନେତା ଅମିତାଭ ବଚ୍ଚନ ମଧ୍ୟ ପ୍ରଭାସଙ୍କ ଫିଲ୍ମର ଏକ ଅଂଶ ହେବାକୁ ଯାଉଛନ୍ତି ।
ଏହି ଚଳଚ୍ଚିତ୍ରର ନିର୍ମାତା ସୋସିଆଲ ମିଡିଆରେ ଅମିତାଭ ବଚ୍ଚନଙ୍କ ଏକ ପୁରୁଣା ଚଳଚ୍ଚିତ୍ରରୁ ଏକ ଫଟୋ ସେୟାର କରିଛନ୍ତି ଏବଂ 'ରାଧେ ଶ୍ୟାମ'ରେ ଭଏସ ଓଭର ଦେଇଥିବାରୁ ତାଙ୍କୁ ଧନ୍ୟବାଦ ଜଣାଇଛନ୍ତି। ବିଗ୍ ବି ପ୍ରଭାସ ଏବଂ ପୂଜା ହେଗଡେଙ୍କ ଏହି ଚଳଚ୍ଚିତ୍ରକୁ ତାଙ୍କ ଆଇକନିକ୍ ସ୍ବରରେ ବର୍ଣ୍ଣନା କରି ଅଧିକ ସ୍ବତନ୍ତ୍ର କରିବାକୁ ଯାଉଛନ୍ତି । ଅମିତାଭ ବଚ୍ଚନଙ୍କ ଷ୍ଟାରଡମ୍ ଫିଲ୍ମକୁ ନିଶ୍ଚିତ ଭାବରେ ଏକ ବଡ଼ ଫାଇଦା ଦେବ ।