ମୁମ୍ବାଇ: 'ବିଗ ବି ସୋ ବିଗ ହାର୍ଟ ବା ବିଗ ବି ବିଶାଳ ହୃଦୟ ଦେଖାଅ' ଲେଖାଥିବା ବ୍ୟାନର ଅମିତାଭ ବଚ୍ଚନଙ୍କ ବାସଭବନ ବାହାରେ ଦେଖିବାକୁ ମିଳିଛି । ଏଭଳି ବ୍ୟାନର ମହାରାଷ୍ଟ୍ର ନବନିର୍ମାଣ ସେନା ଲଗାଇଥିବା ସୂଚନା ମିଳିଛି ।
ଅମିତାଭଙ୍କ ଘରର କାନ୍ଥ ଭାଙ୍ଗି ରାସ୍ତା ବଢାଇବା ପାଇଁ ଦାବି କରି ଏଭଳି ବ୍ୟାନର ସେନାର ସଦସ୍ୟମାନେ ଲଗାଇଥିବା ଜଣାପଡିଛି । ଅମିତାଭଙ୍କ କମ୍ପାଉଣ୍ଡର ଏହି କାନ୍ଥ ଯୋଗୁଁ ସ୍ଥାନୀୟ ଅଞ୍ଚଳରେ ଟ୍ରାଫିକ ସମସ୍ୟା ସୃଷ୍ଟି ହେଉଛି । ଏଥିଲାଗି ସେନା ପକ୍ଷରୁ ଏଭଳି ଢଙ୍ଗରେ ଅମିତାଭଙ୍କୁ କାନ୍ଥ ଭାଙ୍ଗିବା ପାଇଁ ଅନୁରୋଧ କରାଯାଇଛି । ନିଜର ବିଶାଳ ହୃଦୟ ଦେଖାନ୍ତୁ ବୋଲି ସେ କହିଛନ୍ତି । ତେବେ ଅମିତାଭ ଏନେଇ କୌଣସି କାର୍ଯ୍ୟାନୁଷ୍ଠାନ ନନେଲେ ଆନ୍ଦୋଳନ ଆଗକୁ ଜାରି ରହିବ ବୋଲି ସେ କହିଛନ୍ତି ।