ମୁମ୍ବାଇ: ଆକ୍ଟର ଆୟୁଷ୍ମାନ ଖୁରାନା ଏବେ ନିଜର ଆଗାମୀ ଫିଲ୍ମ ବାଲାର ପ୍ରମୋଶନରେ ବ୍ୟସ୍ତ । ଆଉ କିଛି ଦିନ ତଥା ନଭେମ୍ବର 7ରେ ରିଲିଜ ହେବ ଏହି ଚର୍ଚ୍ଚିତ ଫିଲ୍ମ । ଫିଲ୍ମରେ ତାଙ୍କ ଅପୋଜିଟ ଭୂମି ପେଡନେକର ଓ ୟାମୀ ଗୌତମ ନଜର ଆସିବେ । ନିଜ ଫିଲ୍ମରେ ଭିନ୍ନ ଭିନ୍ନ ଅବତାରରେ ଅଭିନୟ କରିବାକୁ ପପୁଲାର ଥିବା ଆୟୁଷ୍ମାନ ବାଲାରେ ମଧ୍ୟ ନୂଆ ଅବତାର ନେଇ ପରଦାରେ ଦେଖାଯିବେ । ଫିଲ୍ମରେ ସେ ଚନ୍ଦା ବ୍ୟକ୍ତି ଭୂମିକାରେ ଅଭିନୟ କରୁଛନ୍ତି ।
ଅନ୍ୟପଟେ ମେକର୍ସ ମଧ୍ୟ ଦର୍ଶକଙ୍କ ଉତ୍ସାହ ବଢାଇବାରେ ଲାଗିଛନ୍ତି । କେତେବେଳେ ଫିଲ୍ମର ନୂଆ ପୋଷ୍ଟର ତ ଆଉ କେତେବେଳେ ଫିଲ୍ମର ନୂଆ ଟିଜର ରିଲିଜ କରିବାରେ ଲାଗିଛନ୍ତି ମେକର୍ସ । ନିକଟରେ ରିଲିଜ ହୋଇଥିବା ଫିଲ୍ମରେ ନୂଆ ପୋଷ୍ଟରେ ଆୟୁଷ୍ମାନଙ୍କ ପୋଲ ଖୋଲୁଥିବାର ନଜର ଆସିଥିଲେ ଭୂମି ।