ହାଇଦ୍ରାବାଦ: ତେଲୁଗୁ ଚଳଚ୍ଚିତ୍ର ସୁପରଷ୍ଟାର ଚିରଞ୍ଜୀବୀଙ୍କ ପରବର୍ତ୍ତୀ ଚଳଚ୍ଚିତ୍ର 'ଭୋଲା ଶଙ୍କର'ର ପ୍ରଥମ ଲୁକ୍ ଟିଜର ମଙ୍ଗଳବାର ଦିନ ମହାଶିବରାତ୍ରୀ ଅବସରରେ ମୁକ୍ତିଲାଭ କରିଛି। ଏହାପୂର୍ବରୁ ଭେଟେରାନ ଅଭିନେତା ଚିରଞ୍ଜୀବୀଙ୍କ 66 ତମ ଜନ୍ମଦିନ ଅବସରରେ ଟ୍ବିଟ କରି ଫିଲ୍ମର ନାମ ଘୋଷଣା କରାଯାଇଥିଲା । ଅଭିନେତା ମହେଶ ବାବୁ ଟ୍ବିଟରରେ ଫିଲ୍ମର ଏକ ଛୋଟ ଟିଜର ମଧ୍ୟ ରିଲିଜ କରିଛନ୍ତି।
ଫିଲ୍ମର ପ୍ରଥମ ଲୁକରେ ଚିରଞ୍ଜୀବୀ ଜିପ ଉପରେ ବସିଥିବା ବେଳେ ଭୋଲେନାଥଙ୍କ ତ୍ରିଶୁଳ ଘୁରାଉଥିବା ଦେଖିବାକୁ ମିଳିଛି । 'ଭୋଲା ଶଙ୍କର' ମେହେର ରମେଶଙ୍କ ନିର୍ଦ୍ଦେଶିତ, ଯିଏକି 2009 ଆକ୍ସନ୍ ଫିଲ୍ମ 'ବିଲ୍ଲା' ଏବଂ କନ୍ନଡ ଚଳଚ୍ଚିତ୍ର 'ବୀରା କନ୍ନଡିଗା' ଭଳି ହିଟ୍ ପାଇଁ ଜଣାଶୁଣା । ଏହି ଚଳଚ୍ଚିତ୍ରଟି ଅନିଲ ସୁଙ୍କରାଙ୍କ କମ୍ପାନୀ ଏ.କେ ଏଣ୍ଟରଟେନମେଣ୍ଟ ଦ୍ବାରା ପ୍ରସ୍ତୁତ କରାଯାଉଛି।