ଭୋଜପୁରୀ ଆକ୍ଟର ନିରହୁଆଙ୍କୁ କୋରୋନା

ପୁଣି ସାମ୍ନାକୁ ଆସିଲା ଆଉ ଜଣେ ଷ୍ଟାରଙ୍କ କୋରୋନା ରିପୋର୍ଟ । ଏଥର ଏହି ମହାମାରୀର ଶିକାର ହୋଇଛନ୍ତି ଫେମସ ଆକ୍ଟର ନିରହୁଆ । ଅଧିକ ପଢନ୍ତୁ...

ମୁମ୍ବାଇ: ଦେଶରେ ତାଣ୍ଡବ କରୁଥିବା କୋରୋନା ବର୍ତ୍ତମାନ ଭୋଜପୁରୀ ଫିଲ୍ମ ଇଣ୍ଡଷ୍ଟ୍ରିରେ ଏଣ୍ଟ୍ରି ମାରିଛି । କାରଣ ଅନେକ ବଲିଉଡ ସେଲିବ୍ରିଟି କୋରୋନା ସଂକ୍ରମିତ ହେବା ପରେ ଭୋଜପୁରୀ ସୁପରଷ୍ଟାର ଦିନେଶ ଲାଲ ଯାଦବ ନିରହୁଆଙ୍କ ରିପୋର୍ଟ ପଜିଟିଭ ଆସିଛି । ତାଙ୍କ ପୂର୍ବରୁ ଲୋକପ୍ରିୟ ଅଭିନେତ୍ରୀ ଆମ୍ରପାଲି ଦୁବେ ମଧ୍ୟ କୋରୋନା ସଂକ୍ରମିତ ହୋଇଥିଲେ । ଏବେ ଅଭିନେତାଙ୍କ ସହ ତାଙ୍କର ଦୁଇ ଷ୍ଟାଫ ମେମ୍ବର୍ସ ମଧ୍ୟ କୋରୋନା ଆକ୍ରାନ୍ତ ହୋଇଛନ୍ତି ।

ନିକଟରେ ସେ ଇନଷ୍ଟାଗ୍ରାମରେ ନିଜ କୋରୋନା ଟେଷ୍ଟ ଫଟୋ ସେୟାର କରିଥିଲେ । ଆଉ ଏବେ ତାଙ୍କ ରିପୋର୍ଟ ପଜିଟିଭ ଆସିବା ଖବର ଶୁଣି ଦୁଃଖି ହୋଇପଡିଛନ୍ତି ଫ୍ୟାନ୍ସ ।

ପ୍ରକାଶ ଥାଉକି ନିରହୁଆଙ୍କ ପୂର୍ବରୁ ବଲିଉଡ ଅଭିନେତା ଅକ୍ଷୟ କୁମାର, ଆମୀର ଖାନ, ରଣବୀର କପୁର, ବରୁଣ ଧୱନ, ଆଲିୟା ଭଟ୍ଟ, କ୍ୟାଟ୍ରିନା କୈଫ ଓ ବିକ୍କୀ କୌଶଲ ଭଳି କଳାକାର କୋରୋନା ସଂକ୍ରମିତ ହୋଇସାରିଛନ୍ତି ।