ମୁମ୍ବାଇ: ଅଭିନେତା ସଲମାନ ଖାନଙ୍କ ଅଭିନୀତ 'ବଜରଙ୍ଗୀ ଭାଇଜାନ'ର ଚମତ୍କାର କାହାଣୀ ସାରା ଦେଶର ଲକ୍ଷ ଲକ୍ଷ ପ୍ରସଂଶକଙ୍କ ହୃଦୟ ଜିତିଥିଲା । ଆଜି ଏହି ଫିଲ୍ମ ରିଲିଜ ହେବାର 5 ବର୍ଷ ପୂରଣ କରିଛି । ଏହି ଅବସରରେ ସଲମାନ ଖାନ ଫିଲ୍ମସ ଏବଂ ନିର୍ଦ୍ଦେଶକ କବୀର ଖାନ ସୋସିଆଲ ମିଡିଆରେ ଫିଲ୍ମ ସହିତ ଜଡିତ କିଛି ପୋଷ୍ଟ ସେୟାର କରିଛନ୍ତି ।
ସଲମାନ ଖାନ ଫିଲ୍ମସ ତାଙ୍କର ପ୍ରଥମ ଚଳଚ୍ଚିତ୍ର ବିଷୟରେ ଲେଖିଛନ୍ତି, 'ବଜରଙ୍ଗୀ ଭାଇଜାନ' କୁ ଆଜି ପାଞ୍ଚ ବର୍ଷ ପୂରଣ କରିଛି । ଏହି ଫିଲ୍ମର ଚମତ୍କାର କାହାଣୀ, ଟ୍ରେଲର ଏବଂ ଅନ୍ୟାନ୍ୟ ସ୍ମରଣୀୟ ଭିଡିଓ ଏକ ସ୍ମୃତି ହୋଇ ରହିଛି ।
କବୀର ଏକ ପୋଷ୍ଟ ସେୟାର କରି ଲେଖିଛନ୍ତି, ଏହି ଫିଲ୍ମଟିକୁ ଦର୍ଶକମାନେ ବହୁତ ଭଲପାଇବା ଦେଇଥିଲେ । ଏହି ଫିଲ୍ମ ସର୍ବଦା ମୋର ହୃଦୟରେ ରହିବ । ଧନ୍ୟବାଦ ।
ଅନ୍ୟ ଏକ ପୋଷ୍ଟ ସେୟାର କରି କବୀର ଲେଖିଛନ୍ତି, ଏହି ଫିଲ୍ମ ରିଲିଜ ହେବାର 5 ବର୍ଷ ପରେ ମଧ୍ୟ ଏହି ଚଳଚ୍ଚିତ୍ର ଜାପାନର କିଛି ପ୍ରେକ୍ଷାଳୟରେ ପ୍ରଦର୍ଶିତ ହୋଇଛି ।
ପ୍ରକାଶ ଥାଉ କି, 'ବଜରଙ୍ଗୀ ଭାଇଜାନ' 2015 ରେ ମୁକ୍ତିଲାଭ କରିଥିଲା । ଏହି ଚଳଚ୍ଚିତ୍ରକୁ ଦର୍ଶକମାନେ ବହୁତ ପସନ୍ଦ କରିଥିଲେ । ଏହି ଚଳଚ୍ଚିତ୍ରର କାହାଣୀ ଭାରତ ଏବଂ ପାକିସ୍ତାନ ସହ ଜଡିତ ଥିଲା । ଯେଉଁଥିରେ ବଜରଙ୍ଗୀ ଅର୍ଥାତ୍ ସଲମାନ ଖାନ ମୁନି ନାମକ ଏକ ଝିଅକୁ ପାକିସ୍ତାନରେ ଛାଡିବାକୁ ଯାଆନ୍ତି । ଏହି ସବୁ ଦୃଶ୍ୟ ଫିଲ୍ମରେ ପ୍ରଦର୍ଶିତ ହୋଇଥିଲା ।