ହାଇଦ୍ରାବାଦ: ଅକ୍ଷୟ କୁମାରଙ୍କ ବହୁ ପ୍ରତିକ୍ଷୀତ ଫିଲ୍ମ ବଚ୍ଚନ ପାଣ୍ଡେଙ୍କ ଟ୍ରେଲର (Bachchan Pandey Trailer) ରିଲିଜ ହୋଇଛି । ପ୍ରଥମ ଥର ପାଇଁ ଅକ୍ଷୟଙ୍କୁ ଏପରି ଭୟାନକ ଅବତାରରେ ଦେଖିବାକୁ ମିଳିଛି । ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅର୍ଶଦ ୱାର୍ସି ଏବଂ କ୍ରିତି ସାନନ୍ ମଧ୍ୟ ଅଭିନୟ କରିଛନ୍ତି।
ଆଜି ଫିଲ୍ମର ନିର୍ମାତା ସାଜିଦ ନାଦିଆଦୱାଲାଙ୍କ ଜନ୍ମଦିନ । ତେଣୁ ବିଶେଷ ଦିନରେ ଟ୍ରେଲର ରିଲିଜ୍ କରାଯାଇଛି । ବଚ୍ଚନ ପାଣ୍ଡେଙ୍କ ଟ୍ରେଲରକୁ ତାଙ୍କ ସୋସିଆଲ ମିଡିଆରେ ସେୟାର କରି ଅକ୍ଷୟ କୁମାର ଲେଖିଛନ୍ତି, ଧୁମ ଧଡାକା ରଙ୍ଗ ପଟାଖା, ଆଓ ବନା ଲୋ ଟୋଲି… ଏଥର ଆମେ #BachchhanPaandey ଆଣିଛୁ। ହୋଲିପେ ଗୋଲି!
ଟ୍ରେଲର ରିଲିଜ ହେବାର କିଛି ଘଣ୍ଟା ପୂର୍ବରୁ ଅକ୍ଷୟ କୁମାର ଫିଲ୍ମର ପୋଷ୍ଟର ସେୟାର କରିଥିଲେ। ଯେଉଁଥିରେ ଖିଲାଡି କୁମାର ଜ୍ୟାକଲିନ ଫର୍ଣ୍ଣାଣ୍ଡିଜଙ୍କ ସହ ନଜର ଆସିଛନ୍ତି | ପୋଷ୍ଟରରେ ଜ୍ୟାକଲିନ୍ ଏବଂ ଅକ୍ଷୟ ଏକ ରୋମାଣ୍ଟିକ୍ ମୁଡରେ ନଜର ଆସିଛନ୍ତି ।
ଅକ୍ଷୟ ଗୁରୁବାର କ୍ରିତି ସାନନଙ୍କ ସହ ଏକ ଧମାକାଦାର ପୋଷ୍ଟର ମଧ୍ୟ ସେୟାର କରିଥିଲେ । ଯେଉଁଥିରେ କ୍ରିତି ତାଙ୍କ ସହିତ ଏକ ବାଇକରେ ନଜର ଆସିଛନ୍ତି | ଏଥିରେ ଅକ୍ଷୟ ଲେଖିଛନ୍ତି ଯେ ବଚ୍ଚନ ପାଣ୍ଡେଙ୍କ ଆଖିର ତୀର ଏବଂ @Kriti Sanonଙ୍କ ହୋଲିପେ ଗୋଲି।
ସୂଚନା ଥାଉକି, ଅକ୍ଷୟ କୁମାର ଗତ 15 ତାରିଖରେ 'ବଚ୍ଚନ ପାଣ୍ଡେ'ର ନୂଆ ପୋଷ୍ଟର ସେୟାର କରିଥିଲେ । ଫଟୋରେ ଥିବା ଟ୍ୟାଗଲାଇନରେ ଲେଖିଥିଲେ, 'ତୁମେ ମୋତେ ଗୁଣ୍ଡା କହିପାରିବ ନାହିଁ, ମୁଁ ଗଡଫାଦର । ବଚ୍ଚନ ପାଣ୍ଡେ ଆପଣଙ୍କୁ ଭୟଭୀତ କରାଇବା ସହିତ ହସେଇବା ଏବଂ କାନ୍ଦିବାକୁ ପ୍ରସ୍ତୁତ । ଦୟାକରି ତାଙ୍କୁ ସମସ୍ତ ଭଲପାଇବା ଦିଅନ୍ତୁ ।
ଚଳଚ୍ଚିତ୍ର 'ବଚ୍ଚନ ପାଣ୍ଡେ' ଏକ ଗ୍ୟାଙ୍ଗଷ୍ଟର, ବଚ୍ଚନ ପାଣ୍ଡେର କାହାଣୀ । ଏହି ଚଳଚ୍ଚିତ୍ରରେ ଅକ୍ଷୟ କୁମାର ଜଣେ ଗ୍ୟାଙ୍ଗଷ୍ଟର ଭୂମିକାରେ ଅଭିନୟ କରିଛନ୍ତି, ଯିଏ ଅଭିନେତା ହେବାକୁ ଚାହୁଁଛନ୍ତି । କ୍ରିତି ସାନନ୍ ଜଣେ ସାମ୍ବାଦିକ ଭୂମିକାରେ ଅଭିନୟ କରୁଛନ୍ତି, ଯିଏ ଚଳଚ୍ଚିତ୍ରର ନିର୍ଦ୍ଦେଶନା ଦେବାକୁ ଚାହୁଁଥିଲେ । ଅନୁମାନ କରାଯାଉଛି କି କ୍ରିତି ସାନନ୍, ଅକ୍ଷୟ କୁମାର ଏବଂ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କ ଯୋଡି ପରଦାରେ ନିଶ୍ଚୟ ଧମାଲ କରିବେ। ଏହି ଚଳଚ୍ଚିତ୍ରରେ ଅର୍ଶଦ ୱାର୍ସି, ପଙ୍କଜ ତ୍ରିପାଠୀ ଏବଂ ପ୍ରତୀକ ବାବର ପ୍ରମୁଖ ଭୂମିକାରେ ଅଭିନୟ କରିଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
