ହାଇଦ୍ରାବାଦ:ବଲିଉଡ଼ କୋରିଓଗ୍ରାଫର ତଥା ନିର୍ଦ୍ଦେଶକ ଅହମ୍ମଦ ଖାନ ପତ୍ନୀ ଶାଇରା ଅହମ୍ମଦ ଖାନଙ୍କୁ Batmobile କାର ଗିଫ୍ଟ କରିଛନ୍ତି । ଏହି ଦାମୀ କାରର ମୂଲ୍ୟ ୩ କୋଟି ଟଙ୍କା ବୋଲି ଜଣାପଡ଼ିଛି । ସ୍ବପ୍ନ ପୂରଣ ହେବା ପରେ ପତ୍ନୀ ଶାଇରା ସୋସିଆଲ ମିଡ଼ିଆରେ ଫଟୋ ଓ ଭିଡ଼ିଓ ସେୟାର କରି ନିଜର ଖୁସିବ୍ୟକ୍ତ କରିଛନ୍ତି ।
ଗତ କିଛି ଦିନ ତଳେ ଶାଇରା ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏହି ଫଟୋକୁ ସେୟାର କରିଥିଲେ, ଯାହାକି ବର୍ତ୍ତମାନ ଖୁବ ଭାଇରାଲ ହେବାରେ ଲାଗିଛି । ଏହି ପୋଷ୍ଟରେ ଶାଇରା ସ୍ବାମୀ ଅହମ୍ମଦଙ୍କୁ ଧନ୍ୟବାଦ ଜଣାଇବା ସହିତ ତାଙ୍କ ସ୍ବପ୍ନ ପୂରଣ ହୋଇଥିବା କହିଛନ୍ତି । ସ୍ବାମୀଙ୍କ ଏହି ଦାମୀ କାରର ଭିଡ଼ିଓ ମଧ୍ୟ ସେ ସେୟାର କରିଛନ୍ତି । ଶାଇରାଙ୍କ ପୋଷ୍ଟ ଉପରେ ବଲିଉଡ଼ ସେଲିବ୍ସ ଦିଶା ପଟାନି, ଏଲ୍ଲି ଆବ୍ରହମ, ଟାଇଗର ଶ୍ରଫଙ୍କ ମାଆ ଆଇଶା ଶ୍ରଫ ପ୍ରମୁଖ ମଧ୍ୟ ପ୍ରତିକ୍ରିୟା ଦେଇଛନ୍ତି ।