‘ଅନେକ’ରେ ଆୟୁଷ୍ମାନଙ୍କ କୁଲ୍ ଅବତାର

ଅନୁଭବ ସିହ୍ନାଙ୍କ ଆଗାମୀ ଫିଲ୍ମରେ ନଜର ଆସିବେ ଆୟୁଷ୍ମାନ । ସେୟାର କଲେ ଫିଲ୍ମ ସେଟରୁ ନିଜ ନୂଆ ଅବତାର ଫଟୋ...

ମୁମ୍ବାଇ: ବି-ଟାଉନର ବିକ୍କୀ ଡୋନର ଆୟୁଷ୍ମାନ ଖୁରାନା ଓ ନିର୍ମାତା ଅନୁଭବ ସିହ୍ନା ପୁଣିଥରେ ହାତ ମିଶାଇଛନ୍ତି । ଏହି ଯୋଡି ଏଥର ନେଇକି ଫେରିବେ ଫିଲ୍ମ ‘ଅନେକ’ । ଯେଉଁଥିରେ ଆୟୁଷ୍ମାନଙ୍କ କୁଲ୍ ଅବତାର ଦେଖିବାକୁ ମିଳିବ । ଏହାର ଖୁଲାସା କରି ସେ ମଙ୍ଗଳବାର ସୋସିଆଲ ମିଡିଆରେ ନିଜର ଫଟୋ ପୋଷ୍ଟ କରିଛନ୍ତି । ଆଉ ତାଙ୍କ ସହ ନଜର ଆସୁଛନ୍ତି ଅନୁଭବ ।

ସେ ଟ୍ବିଟରରେ ଦୁଇଟି ଫଟୋ ପୋଷ୍ଟ କରିଛନ୍ତି । ଗୋଟିଏ ଫଟୋରେ ସେ ଅନୁଭବଙ୍କ ସହ ଠିଆ ହୋଇ ହାତରେ ସୁଟିଂ ବୋର୍ଡ ଧରିଥିବାବେଳେ ଅନ୍ୟପଟରେ ସେ ଗାଡିରେ ବସିଥିବାର ନଜର ଆସୁଛନ୍ତି । ତାଙ୍କ ଏହି ନୂଆ ଅବତାରରେ ସେ ଖୁବ୍ ହ୍ୟାଣ୍ଡସମ ମଧ୍ୟ ଦେଖାଯାଉଛନ୍ତି ।

ସେହିପରି ସେ ଫଟୋର କ୍ୟାପସନରେ ଲେଖିଛନ୍ତି, ‘ମୁଁ ପୁଣିଥରେ ଅନୁଭବ ସାର୍‌ଙ୍କ ସହ କାମ କରିବାକୁ ନେଇ ଉତ୍ସାହିତ । ଦେଖନ୍ତୁ ମୋ ନୂଆ ଲୁକ୍ ଜୋସୁଆ । ଯାହାର ପ୍ରଯୋଜନା କରୁଛନ୍ତି ଅନୁଭବଙ୍କ ସହ ଭୂଷଣ କୁମାର ।’