ଆୟୁଷ୍ମାନଙ୍କ ପୋଲ ଖୋଲିଲେ ଭୂମୀ, ଦେଖନ୍ତୁ ପୋଷ୍ଟର

ଏବେ ରିଲିଜ ହେବାକୁ ପ୍ରସ୍ତୁତ ଆୟୁଷ୍ମାନଙ୍କ ବହୁ ପ୍ରତିକ୍ଷିତ ଫିଲ୍ମ ‘ବାଲା’ । ଏହାପୂର୍ବରୁ ସାମ୍ନାକୁ ଆସିଯାଇଛି ଫିଲ୍ମର ନୂଆ ପୋଷ୍ଟର ।

ମୁମ୍ବାଇ: ଅନେକ ବାଦ ବିବାଦ ପରେ ପରିଶେଷରେ ରିଲିଜ ହେବାକୁ ଯାଉଛି ଆୟୁଷ୍ମାନ ଖୁରାନାଙ୍କ ଚର୍ଚ୍ଚିତ ଫିଲ୍ମ ‘ବାଲା’ । ଯାହାକୁ ନେଇ ଖୁସି ହୋଇଯାଇଛନ୍ତି ଆୟୁଷ୍ମାନଙ୍କ ଫ୍ୟାନ୍ସ । ପୁଣି ଦର୍ଶକଙ୍କ ଏକ୍ସାଇଟମେଣ୍ଟ ବଢାଇବା ପାଇଁ ମେକର୍ସ ଫିଲ୍ମର ଏକ ମଜାଦାର ପୋଷ୍ଟର ଜାରି କରିଦେଇଛନ୍ତି । ଯେଉଁଥିରେ ଆୟୁଷ୍ମାନଙ୍କ ସହ ଭୂମି ପେଡନେକର ଓ ୟାମୀ ଗୌତମ ନଜର ଆସୁଛନ୍ତି ।

ଏହି ଅବସରରେ ଆୟୁଷ୍ମାନ ଇନଷ୍ଟାଗ୍ରାମରେ ପୋଷ୍ଟର ସେୟାର କରି ଫ୍ୟାନ୍ସଙ୍କୁ ଏହାର ସୂଚନା ଦେଇଛନ୍ତି । ‘ବାଲାଙ୍କ କେଶର ଡଙ୍ଗା ତ କେବେଠାରୁ ବୁଡି ଯାଇଛି । ଲଭଷ୍ଟୋରୀର ଡଙ୍ଗା ପାର ହେଉଛି କି ନାହିଁ ଦେଖିବା ନଭେମ୍ବର 7ରେ’ ବୋଲି କ୍ୟାପସନରେ ଲେଖିଛନ୍ତି ଆୟୁଷ୍ମାନ ।

ଯଦି ପୋଷ୍ଟର କଥା ହେବା ତେବେ ଆୟୁଷ୍ମାନ ଓ ୟାମୀଙ୍କ ସହ ଟାଇଟାନିକ ପୋଜରେ ରୋମାନ୍ସ କରୁଥିବାର ନଜର ଆସୁଛନ୍ତି । ଅନ୍ୟପଟେ ଭୂମି, ଆୟୁଷ୍ମାନଙ୍କ ପୋଲ ଖୋଲିଥିବାର ଦେଖାଯାଉଛନ୍ତି । ପ୍ରକାଶ ଥାଉକି ଆୟୁଷ୍ମାନ ଫିଲ୍ମରେ ଜଣେ ଚନ୍ଦା ବ୍ୟକ୍ତି ଭୂମିକାରେ ନଜର ଆସିବେ । ଆଉ ସେହିପରି ଭୂମି ଛୋଟ ସହରର ଜଣେ କଳା ଝିଅ ଭୂମିକାରେ ।

ନିକଟରେ ଫିଲ୍ମର ଟ୍ରେଲର ଆଉ ଦୁଇଟି ଗୀତ ରିଲିଜ କରିଥିଲେ ମେକର୍ସ । ଯାହାକୁ ଖୁବ୍ ପସନ୍ଦ କରିଛନ୍ତି ଦର୍ଶକ । ସବୁଥର ପରି ଏଥର ମଧ୍ୟ ଆୟୁଷ୍ମାନ ନିଜର ଭିନ୍ନ ଅଭିନୟ ନେଇ ପରଦାରେ ନଜର ଆସିବେ । ଯାହାକୁ ନେଇ ଏକ୍ସାଇଟେଡ ଫ୍ୟାନ୍ସ ।