ମୁମ୍ବାଇ: ଆୟୁଷ୍ମାନ ଖୁରାନାଙ୍କ ବହୁ ଚର୍ଚ୍ଚିତ ଫିଲ୍ମ ‘ଶୁଭ ମଙ୍ଗଲ ଜ୍ୟାଦା ସାବଧାନ’ ଶୁକ୍ରବାର ରିଲିଜ ହୋଇଯାଇଛି । ପ୍ରଥମଥର ଆୟୁଷ୍ମାନ ଫିଲ୍ମରେ ସମଲିଙ୍ଗୀ ଭୂମିକାରେ ଅଭିନୟ କରି ଦର୍ଶକଙ୍କ ମନ ପୁଣି ଥରେ କିଣିଛନ୍ତି । ଫିଲ୍ମକୁ ଦର୍ଶକ ଓ କ୍ରିଟିକ୍ସଙ୍କ ଶାନଦାର ପ୍ରତିକ୍ରିୟା ମିଳିଛି । ସେପଟେ ବଲିଉଡ ସେଲିବ୍ରିଟି ମଧ୍ୟ ଫିଲ୍ମକୁ ଖୁବ୍ ପସନ୍ଦ କରିଛନ୍ତି । ଇତି ମଧ୍ୟରେ ଫିଲ୍ମର ଫାଷ୍ଟ ଡେ କଲେକ୍ସନ ସାମ୍ନାକୁ ଆସିଯାଇଛି ।
ବକ୍ସ ଅଫିସ ଇଣ୍ଡିଆ ଅନୁଯାୟୀ ଫିଲ୍ମ ରିଲିଜର ପ୍ରଥମ ଦିନରେ 9.50 କୋଟି ପାଖାପାଖି ଆୟ କରିଛି । ସବୁଥର ପରି ଏଥର ମଧ୍ୟ ଆୟୁଷ୍ମାନଙ୍କ ଯାଦୁ ଦର୍ଶକଙ୍କ ଉପରେ ଛାଇ ଯାଇଛି । ଫିଲ୍ମରେ ଆୟୁଷ୍ମାନଙ୍କ ସମଲିଙ୍ଗୀ ପ୍ରେମିକା ସାଜିଛନ୍ତି ଜିତେନ୍ଦ୍ର କୁମାର ।