ମୁମ୍ବାଇ: ଏହିସମୟରେ ୱାର୍ଲ୍ଡ କପ 2019ରେ ଭାରତୀୟ ଟିମ ଜବରଦସ୍ତ ପ୍ରଦର୍ଶନ କରୁଛନ୍ତି । ଭାରତୀୟ ଖେଳାଳି କେଏଲ ରାହୁଲ ମଧ୍ୟ ନିଜ ଶାନଦାର ବ୍ୟାଟିଂ ଜରିଆରେ କ୍ରିକେଟ ପ୍ରେମୀଙ୍କୁ ହୃଦୟରେ ଖାସ ସ୍ଥାନ ସୃଷ୍ଟି କରିସାରିଲେଣି । ଇତିମଧ୍ୟରେ ତାଙ୍କ ଅଫେୟାର ଖବର ମଧ୍ୟ ଚର୍ଚ୍ଚାର ବିଷୟ ପାଲଟିଛି ।
ଭାରତୀୟ କ୍ରିକେଟର ଏବଂ ବଲିଉଡ ଅଭିନେତ୍ରୀଙ୍କ ପ୍ରେମ କାହାଣୀ ଯୁଗ ଯୁଗ ପୁରୁଣା । ଆଉ ଏମିତିରେ କେଏଲ ରାହୁଲ ଅବା କେମିତି ପଛରେ ରହିଥାଆନ୍ତେ । ସେ ମଧ୍ୟ ବି-ଟାଉନର ଜଣେ ଅଭିନେତ୍ରୀଙ୍କ ଉପରେ ନିଜ ହୃଦୟ ହାରିଦେଇଛନ୍ତି ।
ଆଜ୍ଞା ହଁ,ସେ ବି-ଟାଉନର ଆନ୍ନା ସୁନୀଲ ସେଟ୍ଟୀଙ୍କ ଝିଅ ତଥା ଅଭିନେତ୍ରୀ ଅଥିୟା ସେଟ୍ଟୀଙ୍କୁ ଡେଟ କରୁଛନ୍ତି । ଅନ୍ୟପଟେ ଭାରତୀୟ ମଡେଲ ଅକାଂକ୍ଷା ରଞ୍ଜନ କପୁରଙ୍କ ଦ୍ବାରା ସେୟାର ହୋଇଥିବା ଏକ ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଫଟୋରେ ଆକାଂକ୍ଷାଙ୍କ ସହ କେଏଲ ରାହୁଲ ଓ ଅଥିୟା ନଜର ଆସୁଛନ୍ତି ।
ଫଟୋ ସୌଜନ୍ୟ: ସୋସିଆଲ ମିଡିଆ/ଇନଷ୍ଟାଗ୍ରାମ@ ଅକାଂକ୍ଷା ରଞ୍ଜନ କପୁର ଏହି ଫଟୋ ଦେଖି ଫ୍ୟାନ୍ସ ଅନ୍ଦାଜ ଲଗାଇଛନ୍ତି ଯେ ରାହୁଲ ଓ ଅଥିୟାଙ୍କ ମଧ୍ୟରେ କିଛି ଚାଲିଛି ବୋଲି । କିନ୍ତୁ ଏଯାବତ ଏହି ଯୋଡି ନିଜ ରିଲେସନଶିପର ଅଧିକାରୀକ ଘୋଷଣା କରିନାହାଁନ୍ତି ।
