ବିଗବସ ହାଉସରେ ପୁଣି ଲଢେଇ, ଏଲିଟ କ୍ଲବରୁ ବାହାରିବେ ଅସୀମ

ବିଗ ବସ ସିଜନ 13ରେ ସବୁବେଳେ ଦର୍ଶକ ପ୍ରତିଯୋଗୀଙ୍କ ମଧ୍ୟରେ ଲଢେଇ ଝଗଡା ଦେଖିବାକୁ ପାଉଛନ୍ତି । କିଛି ଦିନରୁ ଅସୀମ ଓ ସିଦ୍ଧାର୍ଥଙ୍କ ମଧ୍ୟରେ ଝଗଡା କମିବାର ନାଁ ନେଉନାହିଁ । ପୁଣି ଦୁଇଜଣଙ୍କ ମଧ୍ୟରେ ଲଢେଇ । ଏବେ ବିବାଦରେ ଅସୀମ ।

ମୁମ୍ବାଇ: ରିୟାଲିଟି ଶୋ ବିଗ ବସ 13ରେ ଫେମସ ପ୍ରତିଯୋଗୀ ସିଦ୍ଧାର୍ଥ ଶୁକ୍ଲା ଓ ଅସୀମ ରିୟାଜଙ୍କ ମଧ୍ୟରେ ପୁଣି ହାଇ-ଭୋଲ୍ଟେଜ ଡ୍ରାମା ଦେଖିବାକୁ ମିଳିଛି । ଏଲିଟ କ୍ଲବ ପାଇଁ ମିଳିଥିବା ଟାସ୍କ ସମୟରେ ସିଦ୍ଧାର୍ଥ ଓ ଅସୀମ ମୁହାଁମୁହିଁ ହୋଇଥିଲେ । ହେଲେ ସିଦ୍ଧାର୍ଥଙ୍କ ସହ ଲଢେଇ କରିବା ଅସୀମଙ୍କୁ ଭାରି ପଡିଛି ।

ଏଲିଟ କ୍ଲବର ମେମ୍ବର ହେବା ପାଇଁ ବିଗ ବସ ପ୍ରତିଯୋଗୀଙ୍କୁ ଏକ ଟାସ୍କ ଦେଇଥିଲେ । ଏହି ଟାସ୍କର ସଞ୍ଚାଳକ ଅସୀମଙ୍କୁ କରାଯାଇଥିଲା । ଟାସ୍କରେ କିଛି ପ୍ରତିଯୋଗୀଙ୍କୁ ଘୋଡା ଉପରେ ବସିବାର ଥିଲା । ହେଲେ ବିଶାଲ ଆଦିତ୍ୟ ସିଂ ମଝିରେ ଠିଆ ହୋଇଥିଲେ । ଯାହାପରେ ସିଦ୍ଧାର୍ଥ ଏହି କଥା ଅସୀମଙ୍କୁ ଜଣାଇଥିଲେ । ସେପଟେ ଅସୀମ କହିଥିଲେ ଯେ ସେ ବିଶାଲଙ୍କୁ ଠିଆ ହେବାର ଦେଖିନାହାଁନ୍ତି । ଏହି କଥାବାର୍ତ୍ତାରେ ଦୁଇଜଣଙ୍କ ମଧ୍ୟରେ ଲଢେଇ ଆରମ୍ଭ ହୋଇଥିଲା ।

ଏହି ଲଢେଇ ଏତେ ବଢିଯାଇଥିଲା ଯେ ଅସୀମ, ସିଦ୍ଧାର୍ଥଙ୍କୁ ଧକ୍କା ମାରିଥିଲେ । ଯାହା ଉପରେ ଖୁବ୍ ରାଗିଯାଇଥିଲେ ସିଦ୍ଧାର୍ଥ । ଇତିମଧ୍ୟରେ ବିଗ ବସ ଫ୍ୟାନ କ୍ଲବରେ ଏହି ଦାବି କରାଯାଇଛି ଯେ ଏହି ମାମଲାରେ ଅସୀମଙ୍କୁ ବିଗ ବସ ଦଣ୍ଡ ଶୁଣାଇଛନ୍ତି । ଦଣ୍ଡ ଅନୁଯାୟୀ ଅସୀମଙ୍କ ଠାରୁ ଏଲିଟ କ୍ଲବର ମେମ୍ବରଶିପ ଛଡାଇ ନିଆଯାଇଛି । ଏହି ମାମଲା ବିଷୟରେ ଜାଣିବା ପାଇଁ ଆପଣଙ୍କୁ ପୁରା ଏପିସୋଡ ଦେଖିବାକୁ ପଡିବ ।

ପ୍ରକାଶ ଥାଉକି ବିଗ ବସରେ ପ୍ରଥମଥର ଏଲିଟ କ୍ଲବ ଆରମ୍ଭ କରାଯାଇଛି । ଯାହାର ପ୍ରଥମ ମେମ୍ବର ଅସୀମଙ୍କୁ କରାଯାଇଥିଲା । ଏଲିଟ କ୍ଲବର ମେମ୍ବର ହେବା ଯୋଗୁ ଅସୀମଙ୍କୁ ଏହି ପାୱର ମିଳିଥିଲା ଯେ ଶୋରେ ସେ ନିଜକୁ ନୋମିନେସନରୁ ସୁରକ୍ଷିତ ରଖିପାରିବେ ।