ସସ୍ପେନ୍ସର ଫୁଲଡୋଜ ନେଇ ଫେରିଲେ ଅର୍ଜୁନ-ପରିଣୀତି, ଦେଖନ୍ତୁ ଭିଡିଓ

ଆସନ୍ତା 20 ତାରିଖରେ ରିଲିଜ ହେବାକୁ ପ୍ରସ୍ତୁତ ଦିବାକର ବାନାର୍ଜୀଙ୍କ ଆଗାମୀ ଫିଲ୍ମ ‘ସନ୍ଦୀପ ଔର ପିଙ୍କି ଫରାର’। ଏହି ବ୍ଲାକ କମେଡି ଫିଲ୍ମରେ ପୁଣିଥରେ ଦମଦାର ଅଭିନୟ କରିଛନ୍ତି ଅର୍ଜୁନ କପୁର ଓ ପରିଣୀତି ଚୋପ୍ରା। ରିଲିଜ ହେଲା ଟ୍ରେଲର ।

ମୁମ୍ବାଇ: ହ୍ୟାଣ୍ଡସମ ଆକ୍ଟର ଅର୍ଜୁନ କପୁର ଓ ପରିଣୀତି ଚୋପ୍ରାଙ୍କ ଚର୍ଚ୍ଚିତ ଫିଲ୍ମ ‘ସନ୍ଦୀପ ଔର ପିଙ୍କି ଫରାର’ର ଜବରଦସ୍ତ ଟ୍ରେଲର ରିଲିଜ ହୋଇଯାଇଛି। ମଙ୍ଗଳବାର ଫିଲ୍ମରୁ ଦୁଇଜଣଙ୍କ ଫାଷ୍ଟଲୁକ ପୋଷ୍ଟର ଜାରି ହୋଇଥିଲା । ଫିଲ୍ମ ଟ୍ରେଲରଟି ସସ୍ପେନ୍ସ ଓ ଥ୍ରିଲରେ ଭରପୁର । ପୁରା ଟ୍ରେଲରରେ ପରିଣୀତିଙ୍କ ମିଷ୍ଟ୍ରି ଗାର୍ଲ ଭୂମିକା ଦର୍ଶକଙ୍କୁ ଆଶ୍ଚର୍ଯ୍ୟ କରିଦେଇଛି।

ଇନଷ୍ଟାଗ୍ରାମରେ ଫିଲ୍ମର ପୋଷ୍ଟର ସେୟାର କରି ଅର୍ଜୁନ ଫ୍ୟାନ୍ସଙ୍କୁ ଟ୍ରେଲର ରିଲିଜ ହେବା ସୂଚନା ଦେଇଛନ୍ତି। ଯାହାର କ୍ୟାପସନରେ ସେ ଲେଖିଛନ୍ତି, ‘ନାମ ପିଙ୍କି ସକ୍ଲ ସେ ପୋଲିସ ୱାଲା, କାମ ସେ ? ଦିବାକର ବାନାର୍ଜୀଙ୍କ ଫିଲ୍ମ ହ୍ୟାଶଟ୍ୟାଗସନ୍ଦୀପଔରପିଙ୍କିଫରାର ଟ୍ରେଲର ରିଲିଜ।’ ଆସନ୍ତା 20 ତାରିଖରେ ରିଲିଜ ହେବ ଫିଲ୍ମ।

ୟଶରାଜ ଫିଲ୍ମସ ବ୍ୟାନରେ ନିର୍ମିତ ଏହି ଫିଲ୍ମର ଟ୍ରେଲରକୁ ଆଜି ୟୁଟ୍ୟୁବରେ ରିଲିଜ କରାଯାଇଛି। ଯାହାକୁ ଏଯାବତ 1 ମିଲିୟନ ଭ୍ୟୁଜ ମିଳିସାରିଲାଣି । ଫିଲ୍ମର ସବୁଠାରୁ ମଜାଦାର କଥା ହେଲା ଯେ ଫିଲ୍ମରେ ଅର୍ଜୁନ, ପିଙ୍କି ଦହିୟା ଭୂମିକାରେ ଅଭିନୟ କରୁଥିବା ବେଳେ ପରିଣୀତି ସନ୍ଦୀପ କୌର ଭୂମିକାରେ ଦେଖାଯିବେ। ଏହା ଏକ ବ୍ଲାକ କମେଡି ଫିଲ୍ମ।