ମୁମ୍ବାଇ: ଭାରତ ଇତିହାସରେ ପାନିପଥ ଯୁଦ୍ଧ ଏକ ମହତ୍ବ ଘଟଣାବଳୀ । ଇତିହାସର ବିଦ୍ୟାର୍ଥ ରହିଥିବା ଲୋକ ଜାଣିଥିବେ ଏହି ଯୁଦ୍ଧରେ ହୋଇଥିବା ବିଜୟ ଓ ପରାଜୟ କିପରି ସେହି ସମୟରେ ସମାଜ ଏବଂ ସିଂହାସନକୁ ପ୍ରଭାବିତ କରିଥିଲା । ପାନିପଥର ସେହି ଇତିହାସ ପ୍ରଥମଥର ବଡ ପରଦାରେ ଦେଖିବାକୁ ପାଇବେ ଦର୍ଶକ । ଡିସେମ୍ବର 6ରେ ଏହି କାହାଣୀକୁ ନେଇ ନଜର ଆସିବେ ହ୍ୟାଣ୍ଡସମ ଅଭିନେତା ଅର୍ଜୁନ କପୁର ଓ ସଞ୍ଜୟ ଦତ୍ତ । ଯାହାର ଫାଷ୍ଟ ଲୁକ ପୋଷ୍ଟର ଜାରି କରାଯାଇଛି । ଏହାସହ ଫିଲ୍ମର ରିଲିଜ ତାରିଖ ମଧ୍ୟ ଘୋଷଣା କରାଯାଇଛି । ଫିଲ୍ମ ଡିସେମ୍ବର 6ରେ ରିଲିଜ ହେବାକୁ ଯାଉଛି ।
ଫିଲ୍ମ ନିର୍ଦ୍ଦେଶକ ଆଶୁତୋଷ ଗୋୱାରିକର ସୋସିଆଲ ମିଡିଆରେ ଫିଲ୍ମର ଫାଷ୍ଟ ଲୁକ ପୋଷ୍ଟର ସେୟାର କରି ଦର୍ଶକଙ୍କ ଏକ୍ସାଇଟମେଣ୍ଟ ବଢାଇ ଦେଇଛନ୍ତି । ଏହି ପୋଷ୍ଟରରେ କୌଣସି କଳାକାରଙ୍କ ଚେହେରା ଦେଖିବାକୁ ମିଳୁନାହିଁ । କେବଳ ଯୁଦ୍ଧର କିଛି ଝଲକ ଦେଖାଯାଉଛି । ଆଉ ଏହା ଉପରେ ଲେଖାଯାଇଛି, ‘ଯୁଦ୍ଧ ଯାହା ପୁରା ଇତିହାସ ପରିବର୍ତ୍ତନ କରିଦେଇଥିଲା’ ।