ମୁମ୍ବାଇ: ବି-ଟାଉନର ବିରୁଷ୍କା ସୋସିଆଲ ମିଡିଆରେ ସବୁବେଳେ ସକ୍ରିୟ । ଦୁଇଜଣଙ୍କ ପ୍ରେମ ଭରା ମୁହୂର୍ତ୍ତ ପ୍ରାୟ ସୋସିଆଲ ମିଡିଆରେ ଦେଖିବାକୁ ପାଇଥାଆନ୍ତି ଦର୍ଶକ । ଅନୁଷ୍କା ଶର୍ମା, ସ୍ବାମୀ ବିରାଟ କୋହଲିଙ୍କ ସହ ସମୟ ବିତାଇବାକୁ କେବେ ମଧ୍ୟ ପଛ ଘୁଞ୍ଚା ଦିଅନ୍ତି ନାହିଁ । ସେହିପରି ବିରାଟ ମଧ୍ୟ ପତ୍ନୀଙ୍କୁ ସମୟ ଦେବାରେ ମାହିର । ସବୁ କାମରୁ ସମୟ ବାହାର କରି ସେ ପତ୍ନୀଙ୍କ ସହ ସମୟ ଅତିବାହିତ କରିବା ତ କେହି ବିରାଟଙ୍କଠାରୁ ଶିଖିବା କଥା...
ବିରୁଷ୍କାଙ୍କ ଖୁଲମଖୁଲା ରୋମାନ୍ସ, ଦେଖନ୍ତୁ ଭିଡିଓ - media
ପୁଣି ଇଣ୍ଟରନେଟରେ ଘୁରିବୁଲିଲା ବିରୁଷ୍କାଙ୍କ ରୋମାନ୍ସ ଭିଡିଓ । ଭିଡିଓଟି ଗୋଟିଏ ବର୍ଷ ପୁରୁଣା ଭିଡିଓ ହୋଇଥିବାବେଳେ ଏବେ ତାହା ହୋଇଛି ଜୋରଦାର ଭାଇରାଲ ।
ଫଟୋ ସୌଜନ୍ୟ: ସୋସିଆଲ ମିଡିଆ/ ଇନଷ୍ଟାଗ୍ରାମ@ ଅନୁଷ୍କା ସେଟ୍ଟୀ
ଇତିମଧ୍ୟରେ ଏହି କପୁଲଙ୍କର ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଛି । ଭିଡିଓରେ ବିରାଟ ଓ ଅନୁଷ୍କା ସମୁଦ୍ରରେ ବୋଟିଂ କରୁଥିବାର ଦେଖାଯାଇଥିବା ବେଳେ ଖୁବ୍ ଖୁସି ମଧ୍ୟ ନଜର ଆସୁଛନ୍ତି । ତାଙ୍କ ସହ ବୋଟରେ ବସିଥିବା ଅନ୍ୟ ଜଣେ ବ୍ୟକ୍ତି ତାଙ୍କ ଭିଡିଓ ସୁଟ କରୁଛନ୍ତି ବୋଲି ଅଜଣା ଥିଲେ ପତି-ପତ୍ନୀ । ଯେତେବେଳେ ଦୁଇଜଣ ଜାଣିଲେ କି ତାଙ୍କ ଭିଡିଓ ସୁଟ କରାଯାଇଛି । ଏହାପରେ ଆଉ କଣ ବା କରିବେ ଭାବି ଦୁଇଜଣଙ୍କ ଖୁବ୍ ଯୋରସେ ହସିଥିଲେ ।
ଖାଲି ଏତିକି ନୁହେଁ ଭିଡିଓରେ ଅନୁଷ୍କା ରୋମାଣ୍ଟିକ ଅନ୍ଦାଜରେ ବିରାଟଙ୍କ ଗାଲ ଟାଣି ଖୁବ୍ ହସୁଥିବାର ଦେଖାଯାଇଛନ୍ତି । ଆପଣଙ୍କୁ ଜଣାଇ ଦେଉଛୁ ଯେ ଏହି ଭିଡିଓଟି ଗୋଟିଏ ବର୍ଷ ପୁରୁଣା ଭିଡିଓ । ଯେତେବେଳେ ଅନୁଷ୍କା ଓ ବିରାଟ ସୁଇଜରଲ୍ୟାଣ୍ଡ ବୁଲିବାକୁ ଯାଇଥିଲେ । କିନ୍ତୁ ସୋସିଆଲ ମିଡିଆରେ ଭିଡିଓଟି ଏବେ ସାମ୍ନାକୁ ଆସିଛି । ମାତ୍ର 12 ଘଣ୍ଟା ମଧ୍ୟରେ ଭିଡିଓକୁ 18 ହଜାର ଭ୍ୟୁଜ ଆସିସାରିଲାଣି ।