ମୁମ୍ବାଇ: ‘ପାତାଲ ଲୋକ’ ଜରିଆରେ ସୁନ୍ଦରୀ ଅଭିନେତ୍ରୀ ଅନୁଷ୍କା ଶର୍ମା ଡିଜିଟାଲ ଦୁନିଆରେ ପଦାର୍ପଣ କରିବାକୁ ଯାଉଛନ୍ତି। ସେ ପ୍ରଯୋଜିକା ରୂପେ ଆମାଜନ ପ୍ରାଇମ ଭିଡିଓର ଏହି ୱେବ ସିରିଜରେ ପ୍ରଯୋଜନା କରିଛନ୍ତି। ନିକଟରେ ସିରିଜର ଭୟାନକ ଟିଜର ଜାରି କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲେ ମେକର୍ସ। ଆଉ ଏବେ ସାମ୍ନାକୁ ଆସିଯାଇଛି ଏହାର ଦ୍ବିତୀୟ ଲୋମହର୍ଷଣକାରୀ ଟିଜର।
‘ପାତାଲ ଲୋକ’ରେ ନୀରଜ କାବି, ଗୁଲ ପନାଗ ଓ ଜୟଦୀପ ଅହଲାବତ ଭଳି କଳାକାର ନଜର ଆସିବେ। ସେହିପରି ଆସନ୍ତା 5 ତାରିଖରେ ଏହାର ଟ୍ରେଲର ରିଲିଜ କରିବାକୁ ଘୋଷଣା କରିଛନ୍ତି ମେକର୍ସ । ଆଉ ମେ 15ରେ ଆମାଜନ ପ୍ରାଇମ ଭିଡିଓରେ ଏହାକୁ ଦେଖିପାରିବେ ଦର୍ଶକ।