ଫରଚ୍ୟୁନ ଇଣ୍ଡିଆ ଲିଷ୍ଟରେ କେବଳ ଅନୁଷ୍କା

2019ର ଶକ୍ତିଶାଳୀ ମହିଳା ଭାବରେ ସମ୍ମାନିତ ହୋଇଛନ୍ତି ଅଭିନେତ୍ରୀ ଅନୁଷ୍କା ଶର୍ମା । ଏକତା କପୁରଙ୍କ ପରେ ପ୍ରଥମ ବଲିଉଡ ଅଭିନେତ୍ରୀ ଭାବରେ ତାଙ୍କୁ ଏହି ସମ୍ମାନ ପ୍ରଦାନ କରାଯାଇଛି ।

ହାଇଦ୍ରାବାଦ: ବଲିଉଡ ଷ୍ଟାର୍ସଙ୍କ ପାଇଁ ଫରଚ୍ୟୁନ ଇଣ୍ଡିଆ ଲିଷ୍ଟରେ ନାମ ରହିବା ଏକ ଗର୍ବର ବିଷୟ ହୋଇଥାଏ । ଏହି ସମ୍ମାନ ଷ୍ଟାର୍ସଙ୍କ କାମକୁ ଦେଖି ଦିଆଯାଇଥାଏ । ଏଥର ଏହି ସମ୍ମାନ ପାଇଛନ୍ତି ଅଭିନେତ୍ରୀ ଅନୁଷ୍କା ଶର୍ମା । 2019ର ସବୁଠାରୁ ଶକ୍ତିଶାଳୀ ମହିଳା ଭାବରେ ଅନୁଷ୍କା ଶର୍ମାଙ୍କୁ ସମ୍ମାନିତ କରାଯାଇଛି ।

ଅନୁଷ୍କାଙ୍କ ପ୍ରଡକ୍ସନ ହାଉସ ‘କ୍ଲିନ ସ୍ଲେଟ ଫିଲ୍ମ’ ପାଇଁ ତାଙ୍କୁ ଏହି ସମ୍ମାନ ଦିଆଯାଇଛି । ଏହି ହାଉସ ସାହାଯ୍ୟରେ ଫିଲରି, ଏନଏଚ-10, ପରି ଓ ଅନେକ ୱେବ ସିରିଜରେ ନିର୍ମାଣ କରାଯାଇଛି । ଏକତା କପୁରଙ୍କ ପରେ ପ୍ରଥମ ବଲିଉଡ ଅଭିନେତ୍ରୀ ଭାବରେ ତାଙ୍କୁ ଏହି ସମ୍ମାନ ପ୍ରଦାନ କରାଯାଇଛି ।

ତେବେ ଏହି ସମ୍ମାନ ପାଇଁ କିଛି ସ୍ବତନ୍ତ୍ର କ୍ରାଇଟେରିଆ ରହିଥାଏ । ମହିଳାଙ୍କ ମଧ୍ୟରେ ବାଣିଜ୍ୟିକ କୌଶଳ, ସାମାଜିକ ଓ ସାଂସ୍କୃତିକ ଗୁଣ ରହିବା ଆବଶ୍ୟକ । 2018ରେ ଅନୁଷ୍କାଙ୍କ ‘ସୁଇଧାଗା’, ‘ପରି’, ‘ଜିରୋ’ ଭଳି ଫିଲ୍ମରେ ନଜର ଆସିଥିଲେ ।