ମୁମ୍ବାଇ: ଫେମସ ଅଭିନେତ୍ରୀ ଅନୁଷ୍କା ଶର୍ମା ସବୁବେଳେ ସୋସିଆଲ ମିଡିଆରେ ଭିନ୍ନ ଭିନ୍ନ ପ୍ରସଙ୍ଗ ନେଇ ନିଜ ପ୍ରତିକ୍ରିୟା ରଖନ୍ତି । ଏବେ ସେ ପୁଣି ଥରେ ନିଜ ସୋସିଆଲ ମିଡିଆ ପୋଷ୍ଟକୁ ନେଇ ଚର୍ଚ୍ଚାରେ । ନିକଟରେ କେରଳର କିଛି ଲୋକ ଏକ ଗର୍ଭବତୀ ହାତୀକୁ ବାଣ ପରିପୂର୍ଣ୍ଣ ଖାଦ୍ୟ ଖାଇବାକୁ ଦେଇଥିଲେ । ଯନ୍ତ୍ରଣା ଯୋଗୁ ଗର୍ଭବତୀ ହାତୀ ତିନି ଦିନ ପାଣିରେ ଠିଆ ହୋଇ ରହିଥିଲା । ବାଣ ଦ୍ବାରା ହାତୀର ପାଟିରେ କ୍ଷତ ହେବା ସହ ଓ ଦାନ୍ତ ଭାଙ୍ଗିଯାଇଥିଲା । ପରିଶେଷରେ ସେ ଆଖି ବୁଝିଦେଇଥିଲା । ଏହାସହ ତା ପେଟରେ ଥିବା ହାତୀ ଛୁଆର ମଧ୍ୟ ମୃତ୍ୟୁ ଘଟିଛି । ଏହି ଘଟଣାକୁ ନିନ୍ଦା କରିଛନ୍ତି କିଛି ସେଲିବ୍ରିଟି ।
ଏହି ଖବରକୁ ଅନୁଷ୍କା ଇନଷ୍ଟାଷ୍ଟୋରିରେ ସେୟାର କରି ଲେଖିଛନ୍ତି, ‘ପଶୁମାନଙ୍କ ଉପରେ ହେଉଥିବା ଅତ୍ୟାଚାର ବିରୋଧରେ ଆମକୁ ଆହୁରି କଠୋର ଆଇନ ତିଆରି କରିବାକୁ ହେବ ।’