ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ତାଙ୍କ ସହ ଜଡିତ ଅନେକ ଜିନିଷ ବାହାରକୁ ଆସୁଛି । ତାଙ୍କ ବ୍ୟକ୍ତିଗତ ଜୀବନ ଠାରୁ ଆରମ୍ଭ କରି ବୃତ୍ତିଗତ ଜୀବନ ପର୍ଯ୍ୟନ୍ତ ତାଙ୍କର ପରିଚିତମାନେ ତାଙ୍କ ସହ ଜଡିତ ବିଭିନ୍ନ କଥା କହୁଛନ୍ତି ।
ଏହି ସମୟରେ ଚଳଚ୍ଚିତ୍ର ନିର୍ମାତା ଅନୁରାଗ କଶ୍ୟପ ମଧ୍ୟ ସୁଶାନ୍ତଙ୍କ ବିଷୟରେ ଏକ ବଡ଼ କଥା କହିଛନ୍ତି ।
ଅନୁରାଗ କହିଛନ୍ତି, ସୁଶାନ୍ତ ୟଶରାଜ ଏବଂ ଧର୍ମା ପ୍ରଡକ୍ସନ୍ସ ରେ କାମକରିବାକୁ ନେଇ ଦୁଇଥର ମୋ ଚଳଚ୍ଚିତ୍ରକୁ ରିଜେକ୍ଟ କରିଛନ୍ତି ।
ଅନୁରାଗଙ୍କ ଅନୁଯାୟୀ, ସୁଶାନ୍ତ ବଡ ବ୍ୟାନରରେ କାମ କରିବାକୁ ଚାହୁଁଥିଲେ, ଯେଉଁଥିପାଇଁ ସେ ତାଙ୍କ ଫିଲ୍ମକୁ ନା କହିଥିଲେ ।
ଏକ ସାକ୍ଷାତକାରରେ ଅନୁରାଗ କହିଛନ୍ତି, ସୁଶାନ୍ତ ଜଣେ ସଫଳ ଅଭିନେତା ଥିଲେ । ଆମର ପସନ୍ଦ ଅନୁଯାୟୀ ଆମେ ସବୁବେଳେ ନିଜ କ୍ୟାରିଅର୍ ଗଢିଥାଉ । ମୁଁ ତାଙ୍କୁ ମୋର ଫିଲ୍ମ' ହସି ତୋ ଫସି' ଅଫର କରିଥିଲି, କିନ୍ତୁ ସୁଶାନ୍ତ ଏହି ଫିଲ୍ମ କରିବାକୁ ମନା କରିଦେଇଥିଲେ ।
ଏହା ପରେ ଅନୁରାଗ 2016 ମସିହାରେ ସୁଶାନ୍ତଙ୍କୁ ଆଉ ଏକ ଚଳଚ୍ଚିତ୍ର ଅଫର୍ କରିଥିଲେ, କିନ୍ତୁ ସୁଶାନ୍ତ ଏହି ଫିଲ୍ମକୁ ମଧ୍ୟ ମନା କରିଦେଇଥିଲେ । ସେତେବେଳେ ସୁଶାନ୍ତ ଧର୍ମା ପ୍ରଡକ୍ସନ ସହିତ କାମ କରିବାକୁ ଆଗ୍ରହୀ ଥିବାରୁ ସେ ମୋ ଚଳଚ୍ଚିତ୍ରରେ କାମ କରିବାକୁ ମନା କରିଦେଇଥିଲେ ।
ଅନୁରାଗ କହିଛନ୍ତି, ଯେତେବେଳେ କଳାକାର ଇଣ୍ତଷ୍ଟ୍ରିକୁ ଆସନ୍ତି, ସେତେବେଳେ ସେମାନେ ୟଶ ରାଜ, କରଣ ଜୋହରଙ୍କ ଧର୍ମା ପ୍ରଡକ୍ସନ୍ସ,, ସଞ୍ଜୟ ଲୀଲା ଭନସାଲୀ ଭଳି ବଡ ବ୍ୟାନରରେ କାମ କରିବାକୁ ଇଚ୍ଛା ପ୍ରକାଶ କରନ୍ତି ।
ପ୍ରକାଶ ଥାଉ କି, ସୁଶାନ୍ତ14 ଜୁନ୍ 2020 ରେ ବାନ୍ଦ୍ରାରେ ଥିବା ତାଙ୍କ ଆପାର୍ଟମେଣ୍ଟରେ ଫାଶୀ ଲଗାଇଥିଲେ । ମୁମ୍ବାଇ ପୋଲିସ ସୁଶାନ୍ତଙ୍କ ଆତ୍ମହତ୍ୟା ମାମଲାର ତଦନ୍ତ କରୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
