ମୁମ୍ବାଇ: କୋରୋନା ଭାଇରସ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜନତାଙ୍କୁ 2 ଥର ସମ୍ବୋଧିତ କରିଛନ୍ତି। ନିକଟରେ ମୋଦି କହିଥିଲେ ଯେ କୋରୋନା ଆକ୍ରମଣ କରିବା ପୂର୍ବରୁ ଧର୍ମ, ଜାତି, ରଙ୍ଗ, ଭାଷା ଓ ସୀମା ଦେଖେନାହିଁ । ଏହି ସଙ୍କଟ ପରିସ୍ଥିତିରେ ଆମକୁ ଏକାଠି ରହି ଲଢିବାକୁ ପଡିବ। ତାଙ୍କର ଏହି କଥାକୁ ବର୍ତ୍ତମାନ ଆଧାର କରି ଫେମସ ଚଳଚିତ୍ର ନିର୍ମାତା ଅନୁରାଗ କଶ୍ୟପ ଏକ ଟ୍ବିଟ କରି ନିଜ ପ୍ରତିକ୍ରିୟା ରଖିଛନ୍ତି।
ମୋଦିଙ୍କ ଟ୍ବିଟ, ଅନୁରାଗଙ୍କ ବାଃ ବଃ - ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
ପିଏମଙ୍କ ଟ୍ବିଟରେ ପ୍ରତିକ୍ରିୟା ଦେଇ ଚର୍ଚ୍ଚାରେ ଅନୁରାଗ କଶ୍ୟପ। କୋରୋନା ଭାଇରସ ଉପରେ ବୟାନ ଦେଇଥିଲେ ମୋଦି।
ଡିଜାଇନ ଫଟୋ
କିଛି ଦିନ ପୂର୍ବରୁ ସୋସିଆଲ ମିଡିଆରୁ ଗାୟବ ହୋଇଯାଇଥିଲେ ଅନୁରାଗ । ହେଲେ ଏବେ ଫେରି ସେ ପୁଣି ନିଜ ବିନ୍ଦାସ ପ୍ରତିକ୍ରିୟା ଦେବା ଆରମ୍ଭ କରିଦେଇଛନ୍ତି । ପିଏମଙ୍କ ଟ୍ବିଟରେ ଜବାବ ଦେଇ ଲେଖିଛନ୍ତି, ‘କ୍ୟା ବାତ ହେ। ଚଲୋ କହା ତୋ।’
ପ୍ରକାଶ ଥାଉକି ପ୍ରଥମଥର ଏମିତି ଟ୍ବିଟ କରିନାହାଁନ୍ତି ଅନୁରାଗ । ସେ ପୂର୍ବରୁ ସିଏଏ, ଏନଆରସି ବିରୋଧରେ ମଧ୍ୟ ଅନେକ ଟ୍ବିଟ କରିସାରିଛନ୍ତି । ସେ ସବୁବେଳେ ସାମାଜିକ ଓ ରାଜନୈତିକ ପ୍ରସଙ୍ଗ ଉପରେ ବୟାନ ଦେଇ ଚର୍ଚ୍ଚାରେ ରୁହନ୍ତି।