ମୁମ୍ବାଇ: ଲୋକପ୍ରିୟ ଅଭିନେତା ଅନିଲ କପୁର ଓ ଫିଲ୍ମ ନିର୍ମାତା ଅନୁରାଗ କଶ୍ୟପଙ୍କୁ ନେଇ ନୂଆ ଚର୍ଚ୍ଚା । ଦୁଇଜଣଙ୍କ ମଧ୍ୟରେ ବାକ୍ ଯୁଦ୍ଧ ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି । ଟ୍ବିଟରରେ ପୁଣିଥରେ ଦୁଇଜଣଙ୍କ ଯୁକ୍ତିତର୍କ ଆରମ୍ଭ ହୋଇଛି । ମଜାକ ମଜାକରେ କରାଯାଇଥିବା ଟ୍ବିଟ ଏବେ ବ୍ୟକ୍ତିଗତ ରୂପ ନେଇଛି । ସେପଟେ ଫ୍ୟାନ୍ସ ବୁଝିପାରୁନାହାଁନ୍ତି ଯେ ଦୁଇଜଣଙ୍କ କାହିଁକି ଏପରି ଯୁକ୍ତିତର୍କ କରୁଛନ୍ତି । ତେବେ ଆସନ୍ତୁ ଜାଣିବା ଏହାର କାରଣ...
କଥାଟି ହେଲା ଯେ ଏହି ବାକ୍ ଯୁଦ୍ଧ ଅନିଲଙ୍କ ଏକ ଟ୍ବିଟରୁ ଆରମ୍ଭ ହୋଇଥିଲା । ଯେଉଁଥିରେ ସେ ନେଟଫ୍ଲିକ୍ସର ପପୁଲାର ଶୋ ‘ଦିଲ୍ଲୀ କ୍ରାଇମ’ ଉପରେ ଏକ ଟ୍ବିଟ କରିଥିଲେ । ଏମିର ବେଷ୍ଟ ଡ୍ରାମା ସିରିଜ ଜିତିବା ପରେ ସେ ଅଭିନେତ୍ରୀ ଶେଫାଳି ଶାହଙ୍କୁ ହଲିଉଡରେ ସ୍ବାଗତ ଜଣାଇଥିଲେ । ସେହିପରି ସେ ଟ୍ବିଟରେ ଲେଖିଥିଲେ, ‘ମୁଁ ଏହାକୁ ଥରେ କହିଛି ଏବଂ ମୁଁ ଏହା ପୁଣି କହିବି କାରଣ ସେଗୁଡ଼ିକ ସମ୍ପୂର୍ଣ୍ଣ ମୂଲ୍ୟବାନ । ଦିଲ୍ଲୀ କ୍ରାଇମ ଟିମକୁ ଅଭିନନ୍ଦନ । ଏହା ଭଲ ଥିଲା ଯେ ଶେଷରେ ଆମ ଅଧିକ ଅନ୍ତର୍ଜାତୀୟ ମାନ୍ୟତା ପାଇଲେ ।’ ହେଲେ ଅନିଲଙ୍କୁ ଏହା ଜଣାନଥିଲା ଯେ ସେପଟେ ଅନୁରାଗ ତାଙ୍କୁ ଟାର୍ଗେଟ କରିବାକୁ ଅନାଇବସିଛନ୍ତି ।