ଗୀତର ତାଳେତାଳେ ବାସନ ସଫା କଲେ ଅନୁପମ

ସବୁବେଳେ ନିଜ ଅଭିନୟ ଜରିଆରେ ଫ୍ୟାନ୍ସଙ୍କୁ ହସାଉଥିବା ଅନୁପମଙ୍କ ନୂଆ ଭିଡିଓ ଭାଇରାଲ । ଶାନଦାର ଅନ୍ଦାଜରେ ଘର କାମ କରୁଥିବାର ଆସିଲେ ନଜର।

ମୁମ୍ବାଇ: କୋରୋନା ଭାଇରସରୁ ବଞ୍ଚିବା ପାଇଁ ଦେଶର ଜନସାଧାରଣଙ୍କ ଠୁ ନେଇ ସେଲିବ୍ରିଟି ନିଜ ନିଜ ଘରେ ବନ୍ଦ ଅଛନ୍ତି। ଆଉ ଏମିତି ପରିସ୍ଥିତିରେ ସୋସିଆଲ ମିଡିଆରେ ଆକ୍ଟିଭ ରହି ସମୟ ବିତାଉଛନ୍ତି ସେଲିବ୍ରିଟି। ବିଶିଷ୍ଟ ଅଭିନେତା ଅନୁପମ ଖେରଙ୍କ ଭିନ୍ନ ଅନ୍ଦାଜ ଦେଖିବାକୁ ମିଳିଛି।

ସେଲ୍ଫ କ୍ବାରେଣ୍ଟାଇନରେ ଥିବା ଅନୁପମ ସୋସିଆଲ ମିଡିଆରେ ଭିଡିଓ ସେୟାର କରି ଫ୍ୟାନ୍ସଙ୍କୁ ସଚେତନା ବାର୍ତ୍ତା ବାଣ୍ଟିବାରେ ଲାଗିଛନ୍ତି। ହେଲେ ଇତିମଧ୍ୟରେ ତାଙ୍କର ଏକ ନୂଆ ଭିଡିଓ ସୋସିଆଲ ମିଡିଆରେ ଘୁରିବୁଲୁଛି। ଯେଉଁଥିରେ ଅଭିନେତା ସୈଫ ଅଲ୍ଲୀ ଖାନଙ୍କ ଫେମସ ଗୀତ ‘ଓଲୋ ଓଲୋ’ରେ ଫନ୍ନି ଆକ୍ଟିଂ କରୁଥିବାର ନଜର ଆସୁଛନ୍ତି ସେ।

ଭିଡିଓ ଦେଖି ହସି ହସି ବେହାଲ ତାଙ୍କ ଫ୍ୟାନ୍ସ। ଗୀତଟିକୁ ରିକ୍ରିଏଟ କରି ଅନୁପମ ନିଜ କଣ୍ଠରେ ଗାଇଛନ୍ତି। ଗୀତ ଜରିଆରେ ସେ ଘର ବାସନ ସଫା କରୁଛନ୍ତି।