ସିମଲାରେ ପୋଲିସ କର୍ମୀଙ୍କୁ ଭେଟି ପ୍ରଶଂସା କଲେ ଅନୁପମ

ସିମଲାର ପୋଲିସ କର୍ମୀଙ୍କୁ ସାକ୍ଷାତ କଲେ ଅନୁପମ ଖେର । ସୋସିଆଲ ମିଡିଆରେ ସମସ୍ତଙ୍କ ପ୍ରଶଂସାରେ ଅଭିନେତା । ଅଧିକ ପଢନ୍ତୁ...

ମୁମ୍ବାଇ: ବଲିଉଡ ଅଭିନେତା ଅନୁପମ ଖେର ଗୁରୁବାର ସିମଲାର ପୋଲିସ ମୁଖ୍ୟାଳୟ ପରିଦର୍ଶନ କରି ସେଠାରେ ଉପସ୍ଥିତ ଥିବା ଅଧିକାରୀ ଏବଂ କର୍ମଚାରୀଙ୍କ ସହ କଥାବାର୍ତ୍ତା କରିଥିଲେ। ଖେରଙ୍କୁ ଡିଜିପି ସଞ୍ଜୟ କୁଣ୍ଡୁ ସ୍ବାଗତ ଜଣାଇଥିଲେ । ସେପଟେ ଅନୁପମ ମଧ୍ୟ ଏହାର ଅନୁଭୂତି ସୋସିଆଲ ମିଡିଆରେ ସେୟାର କରିଛନ୍ତି ।

ସେ ଟ୍ବିଟରରେ ଏକ ଭିଡିଓ ପୋଷ୍ଟ କରି କ୍ୟାପସନରେ ଲେଖିଛନ୍ତି,‘ଡିଜିପି ସଞ୍ଜୟ କୁଣ୍ଡୁ ଏବଂ ଅନ୍ୟ ପୋଲିସ ଅଫିସରଙ୍କୁ ମୁଁ ଧନ୍ୟବାଦ ଜଣାଉଛି ସେମାନଙ୍କ ପ୍ରଶଂସା ଏବଂ ଦୟା ପାଇଁ। ଆପଣ ସମସ୍ତଙ୍କୁ ସମ୍ମାନିତ କରିବା ଏକ ନମ୍ର ଅନୁଭୂତି ଥିଲା । ତୁମ ସହିତ କଥାବାର୍ତ୍ତା କରିବାରେ ମୋର ଏକ ଭଲ ସମୟ ଥିଲା । ଆପଣ ସମସ୍ତେ କରୁଥିବା ମହତ୍ କାର୍ଯ୍ୟ ଜାରି ରଖନ୍ତୁ । ଜୟ ହିନ୍ଦ୍ ।’

ଏହାପୂର୍ବରୁ ସେ ସିମଲା ଯାତ୍ରା କରୁଥିବା ସମୟର ଏକ ଭିଡିଓ ମଧ୍ୟ ସେୟାର କରିଥିଲେ । ସାଥିରେ ଥିଲେ ତାଙ୍କ ମା' ଦୁଲାରି । ସେହିପରି ସେ ପୋଷ୍ଟରେ ଲେଖିଥିଲେ, ‘ସିମଲା ଅଭିମୁଖେ ଯିବାବେଳେ ମୁଁ ମୋର 50 ବର୍ଷ ପରେ ସୋଲାନରେ ଥିବା ସ୍କୁଲ ବନ୍ଧୁ ଅନିଲ ଦତ୍ତଙ୍କୁ ଭେଟି ଖୁସି ଅନୁଭବ କରିଥିଲି । ଶେଷଥର ପାଇଁ ଆମେ 1971 ମସିହାରେ ଏକାଦଶ ଶ୍ରେଣୀରେ ପଢୁଥିଲୁ । ମା' ମଧ୍ୟ ବହୁତ ଖୁସି ଥିଲେ ତାଙ୍କ ଭେଟି । ମୋର ପ୍ରିୟ ବନ୍ଧୁ ସେ ।’