ମୁମ୍ବାଇ: ବିଶିଷ୍ଟ ଅଭିନେତା ଅନୁପମ ଖେର ତାଙ୍କର ଶାନଦାର ଅଭିନୟ ପାଇଁ ଲୋକପ୍ରିୟତା ହାସିଲ କରିଛନ୍ତି। ସେ କମେଡି ଠୁ ନେଇ ସିରିୟସ ରୋଲ କରି ଏଯାବତ ଦର୍ଶକଙ୍କୁ ବାନ୍ଧି ରଖିଛନ୍ତି । ସମସ୍ତ ପ୍ରକାର ଅଭିନୟରେ ବିଶେଷଜ୍ଞ ସେ। କିଟିକ୍ସ ତାଙ୍କ କାର୍ଯ୍ୟକୁ ସର୍ବଦା ପ୍ରଶଂସା କରିଆସୁଛି। ତେବେ ସେ ବଲିଉଡରେ 36 ବର୍ଷ ପୂରଣ କରିଛନ୍ତି। ଯାହାର କିଛି ଅନୁଭୂତି ସେ ସୋସିଆଲ ମିଡିଆରେ ଫ୍ୟାନ୍ସଙ୍କ ପାଇଁ ସେୟାର କରିଛନ୍ତି।
ଅନୁପମ ତାଙ୍କର ପ୍ରଥମ ଫିଲ୍ମ ‘ସାରାଂଶ’ରେ ଜଣେ ବୃଦ୍ଧ ବିଦ୍ୟାଳୟର ଶିକ୍ଷକ ଭୂମିକାରେ ଅଭିନୟ କରିଥିଲେ। ମୁଖ୍ୟ କଥା ହେଲା ଯେ ସେହି ସମୟରେ ସେ ମାତ୍ର 28 ବର୍ଷର ହୋଇଥିଲେ।
36 ବର୍ଷ ପୂରଣ ଅବସରରେ ଅନୁପମ ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରିଛନ୍ତି । ଯେଉଁଥିରେ ସେ ଦର୍ଶକଙ୍କୁ ଧନ୍ୟବାଦ ଜଣାଇଛନ୍ତି। ଆଉ ଏହାର କ୍ୟାପସନରେ ଲେଖିଛନ୍ତି, ଫିଲ୍ମରେ ମୋର 36 ତମ ଜନ୍ମଦିନ। ମୋର ପ୍ରଥମ ଫିଲ୍ମ, ମହେଶ ଭଟ୍ଟ ସାହେବଙ୍କ ନିର୍ଦ୍ଦେଶିତ ସାରାଂଶ 25 ମଇ 1984 ରେ ରିଲିଜ ହୋଇଥିଲା। ମୋର ବୟସ 28 ବର୍ଷ ଥିଲା ଏବଂ ମୁଁ ଜଣେ 65 ବର୍ଷ ବୟସ୍କ ବ୍ୟକ୍ତିଙ୍କ ଭୂମିକାରେ ଅଭିନୟ କରିଥିଲି | ମୁଁ ଆଜି ମନୋରଞ୍ଜନ ଜଗତରେ 36 ବର୍ଷ ପୂରଣ କରିଛି। ଦର୍ଶକ ମୋତେ ବହୁତ ପ୍ରେମ ଏବଂ ଶକ୍ତି ଦେଇଛନ୍ତି। ଯାହା ପାଇଁ ସେମାନଙ୍କୁ ଅନେକ ଅନେକ ଧନ୍ୟବାଦ।’
ସେପଟେ ମହେଶ ମଧ୍ୟ ସୋସିଆଲ ମିଡିଆରେ ଅନୁପମଙ୍କୁ ଶୁଭେଚ୍ଛ ଜଣାଇ ଏକ ପୋଷ୍ଟ କରିଛନ୍ତି । ଫେମସ ଅଭିନେତା ଅନିଲ କପୁର ମଧ୍ୟ ଅନୁପମଙ୍କୁ 36 ବର୍ଷ ଫିଲ୍ମ କ୍ୟାରିୟର ପୂରଣ କରିବା ଅବସରରେ ଶୁଭେଚ୍ଛା ଜଣାଇଛନ୍ତି।