ମୁମ୍ବାଇ: କିଛି ଦିନ ହେବ ଦଙ୍ଗଲ ଗାର୍ଲ ଜାଏରା ୱାସୀମଙ୍କ ବଲିଉଡ ଛାଡିବା ନିଷ୍ପତ୍ତି ବଡ ଚର୍ଚ୍ଚାର ବିଷୟ ପାଲଟିଛି । ହଠାତ୍ ତାଙ୍କର ଏପରି ନିଷ୍ପତ୍ତିରେ ଆଶ୍ଚର୍ଯ୍ୟ ହୋଇଯାଇଛନ୍ତି ବି-ଟାଉନ କଳାକାର । ଆଉ ସୋସିଆଲ ମିଡିଆରେ ଜାଏରାଙ୍କ ନିଷ୍ପତ୍ତି ନେଇ ନିଜ ନିଜ ପ୍ରତିକ୍ରିୟା ଦେବାରେ ଲାଗିଛନ୍ତି ଷ୍ଟାର୍ସ । ଏହି ତାଲିକାରେ ଏବେ ସାମିଲ ହୋଇଛନ୍ତି 'ଆର୍ଟିକଲ 15' ନିର୍ମାତା ଅନୁଭବ ସିହ୍ନା ।
ସେ କହିଛନ୍ତି, ଜାଏରା ଯଦି ଫିଲ୍ମ ଇଣ୍ଡଷ୍ଟ୍ରୀ ଛାଡିବାର ନିଷ୍ପତ୍ତି ନେଇସାରିଛନ୍ତି । ତାଙ୍କୁ ତାଙ୍କ ନିଷ୍ପତ୍ତିରେ ଛାଡିଦେବା କଥା । ତାଙ୍କ ବ୍ୟକ୍ତିଗତ ଜୀବନରେ ଆମମାନଙ୍କର ହସ୍ତକ୍ଷେପ କରିବା ଆଦୌ ଠିକ୍ କଥା ନୁହେଁ । ଏମିତି କି ତାଙ୍କ ଭାଇଙ୍କର ଅନେକ ମୁସଲିମ ବନ୍ଧୁ ଅଛନ୍ତି ଯିଏ ଫଟୋ ଉଠାଇବାକୁ ପସନ୍ଦ କରନ୍ତି ନାହିଁ ଏବଂ ଏହି ସବୁ ଜିନିଷରୁ ଦୂରେଇ ରୁହନ୍ତି । କାରଣ ସେମାନଙ୍କ ଅନୁଯାଯୀ ଫଟୋ ଉଠାଇବା ଇସଲାମ ଧର୍ମ ବିରୋଧୀ ।