ମୁମ୍ବାଇ: ବଲିଉଡ ଅଭିନେତ୍ରୀ ସୋନମ କପୁର ଏବଂ ତାଙ୍କ ସ୍ବାମୀ ଆନନ୍ଦ ଅହୁଜାଙ୍କ ବିବାହ ଖବର ଏପର୍ଯ୍ୟନ୍ତ ଗଣମାଧ୍ୟମ ଚର୍ଚ୍ଚାରୁ ବିରତ ହୋଇନାହିଁ । ସୋନମ ଏବଂ ଆନନ୍ଦଙ୍କ ବିବାହର ଦୁଇ ଦିନ ପରେ ଅଭିନେତ୍ରୀ ନେହା ଧୁପିଆ ଅଙ୍ଗଦ ବେଦୀଙ୍କ ସହ ବିବାହ କରିଥିବା ଖବର ସୋସିଆଲ ମିଡିଆରେ ଜଣାଇଥିଲେ । ଯାହାର ଚର୍ଚ୍ଚା ସୋସିଆଲ ମିଡିଆରେ ବର୍ତ୍ତମାନ ମଧ୍ୟ ଜୋର ଧରିଛି ।
ନେହା ଧୁପିଆ ଏବଂ ଅଙ୍ଗଦ ବେଦୀ ଏହି ଦମ୍ପତି ତାଙ୍କ ବିବାହ ପୂର୍ବରୁ ବହୁ କଠିନ ପରିସ୍ଥିତି ସହ ଅତିକ୍ରମ କରିଥିଲେ । ଅଙ୍ଗଦ ଯେତେବେଳେ ନେହାଙ୍କ ସହ ବିବାହ କରିବା ଖବରକୁ ନେଇ ନେହାଙ୍କ ପରିବାର ପାଖକୁ ଯାଇଥିଲେ ସେତେବେଳେ ଅଙ୍ଗଦ ବହୁ ଡରି ଯାଇଥିଲେ । ଅଙ୍ଗଦ କହିଥିଲେ ଯେ, ମୁଁ ଯେତେବେଳେ ନେହାଙ୍କ ଘରେ ପହଞ୍ଚିଥିଲି ସେତେବେଳେ ନେହାଙ୍କ ପରିବାର ମତେ ଗୁଲାବଜାମୁନ, ଦୋସା, ଚା ଏବଂ ବିୟର ଦେଇ ମୋର ସ୍ୱାଗତ କରିଥିଲେ । ଏହାପରେ ମୁଁ ନେହାଙ୍କ ସହ ମୋର ବିବାହ ପ୍ରସଙ୍ଗ ଖବର ଉଠାଇଥିଲି ଏବଂ କହିଥିଲେ ଯେ ଆମେ ପରସ୍ପରକୁ ବହୁତ ଭଲପାଉ । ଏହା ଶୁଣିବା ପରେ ନେହାଙ୍କ ପିତାମାତା ମୋ ଉପରେ ବହୁତ ରାଗି ଯାଇଥିଲେ ଏବଂ ପରେ ବହୁ କଷ୍ଟରେ ସେମାନେ ଏହି ବିବାହରେ ରାଜି ହୋଇଥିଲେ ।