ଏମିଙ୍କ ଘରେ କୁନି ଅତିଥି, ସେୟାର କଲେ ଖୁସି

ବିବାହ ପୂର୍ବରୁ ଗର୍ଭବତୀ ଥିବା ଏମି ବେବି ବୟଙ୍କୁ ଜନ୍ମ ଦେଇଛନ୍ତି । ଏହି ଅବସରରେ ଫ୍ୟାନ୍ସଙ୍କ ପାଇଁ ସୋସିଆଲ ମିଡିଆରେ ସେୟାର କଲେ ଫଟୋ ।

ମୁମ୍ବାଇ: ବଲିଉଡ ଓ ଟଲିଉଡ ଅଭିନେତ୍ରୀ ଏମି ଜ୍ୟାକସନଙ୍କ ଘରକୁ କୁନି ଅତିଥି ଆସିଯାଇଛନ୍ତି । ଯାହାକୁ ନେଇ ପୁରା ପରିବାରରେ ଖୁସିର ଲହରୀ ଖେଳିଯାଇଛି । ଆଜ୍ଞା ହଁ, ଏମି ବେବି ବୟକୁ ଜନ୍ମ ଦେଇଛନ୍ତି । ଏହାର ସୂଚନା ସେ ଫ୍ୟାନ୍ସଙ୍କୁ ସୋସିଆଲ ମିଡିଆରେ କୁନି ପୁଅ ସହ ବୟଫ୍ରେଣ୍ଡଙ୍କ ଫଟୋ ସେୟାର କରି ଦେଇଛନ୍ତି ।

ଆଉ ଫଟୋର କ୍ୟାପସନରେ ଲେଖିଛନ୍ତି, ‘ଆମର ଏଞ୍ଜେଲ, ସ୍ବାଗତ ଦୁନିଆକୁ ଏଣ୍ଡରେଜ।’ ପ୍ରକାଶ ଥାଉକି ଦୀର୍ଘ ସମୟରୁ ସେ ବ୍ରିଟିଶ ବୟଫ୍ରେଣ୍ଡ ଜର୍ଜ ପାନାୟିୟୋଟୋକୁ ଡେଟ କରିଆସୁଥିଲେ । ଆଉ ଗତ ଜାନୁଆରୀ ମାସରେ ସେ ଜର୍ଜଙ୍କ ସହ ନିର୍ବନ୍ଧ କରିଥିଲେ ।

ବିବାହ ପୂର୍ବରୁ ଗର୍ଭବତୀ ଥିବାରୁ ତାଙ୍କୁ ସୋସିଆଲ ମିଡିଆରେ ଅନେକ କମେଣ୍ଟର ସାମ୍ନାକୁ ମଧ୍ୟ କରିବାକୁ ପଡିସାରିଛି । ତଥାପି ଏମି ପ୍ରାୟତଃ ସୋସିଆଲ ମିଡିଆରେ ନିଜ ବେବି ବମ୍ପ ସହ ଫଟୋ ସେୟାର କରିବାରେ କେବେ ମଧ୍ୟ ହେଳା କରନଥିଲେ। 2015ରୁ ଜର୍ଜଙ୍କ ସହ ରହିଆସୁଥିବା ଏମି ଗତ ଭାଲେଣ୍ଟାଇନ ଡେରେ ସୋସିଆଲ ମିଡିଆରେ ନିଜ ରିଲେସନଶିପର ଘୋଷଣା କରିଥିଲେ ।