ଅମିତାଭଙ୍କ ଇମୋସନାଲ ପୋଷ୍ଟ, ଝିଅ ସହ କଲେ ଫଟୋ ସେୟାର

ସୋସିଆଲ ମିଡିଆରେ ସବୁବେଳେ ଆକ୍ଟିଭ ରହୁଥିବା ବିଗ-ବି ଅମିତାଭ ବଚ୍ଚନ ସେୟାର କରିଛନ୍ତି ଝିଅ ଶ୍ବେତାଙ୍କ ସହ କିଛି ପୁରୁଣା ସ୍ମୃତି । କୁନି ଶ୍ବେତାଙ୍କୁ ଡ୍ରେସ ପିନ୍ଧାଉଥିବାର ନଜର ଆସିଛନ୍ତି ବିଗ-ବି ।

ହାଇଦ୍ରାବାଦ: ସୋସିଆଲ ମିଡିଆରେ ଆକ୍ଟିଭ ରହୁଥିବା ସବୁ ଷ୍ଟାରମାନଙ୍କ ମଧ୍ୟରୁ ମେଗାଷ୍ଟାର ଅମିତାଭ ବଚ୍ଚନ ଜଣେ । ବିଭିନ୍ନ ଫନି ଭିଡିଓଠୁ ଆରମ୍ଭ କରି ସାମାଜିକ ଘଟଣା ଉପରେ ଅନେକ ଥର ନିଜ ମତ ରଖୁଥିବାର ନଜର ଆସିଥାଆନ୍ତି ଅମିତାଭ । ବେଳେବେଳେ ନିଜ ପରିବାର ସହ କିଛି ପୁରୁଣା ଫଟୋ ମଧ୍ୟ ଇନଷ୍ଟାଗ୍ରାମରେ ସେୟାର କରିଥାଆନ୍ତି । ଏଥର ଅମିତାଭ ଝିଅ ଶ୍ବେତା ବଚ୍ଚନଙ୍କ ସହ ଏକ ଫଟୋ ସେୟାର କରିଛନ୍ତି ।

ଫଟୋ ସୌଜନ୍ୟ.: ଇନଷ୍ଟାଗ୍ରାମ/amitabhbachchan

ସୋସିଆଲ ମିଡିଆରେ ଏହି ଫଟୋକୁ ୟୁଜର୍ସ କାଫି ପସନ୍ଦ କରିଛନ୍ତି । ଶ୍ବେତା ବଚ୍ଚନଙ୍କ ପିଲାଦିନର ଫଟୋ ସେୟାର କରିଛନ୍ତି ପିତା ଅମିତାଭ ବଚ୍ଚନ । ଏହି ଫଟୋରେ ଅମିତାଭ, ଶ୍ବେତାଙ୍କୁ ଡ୍ରେସ ପିନ୍ଧାଉଥିବାର ଦେଖିବାକୁ ମିଳିଛି । ଏହାସହ ଶ୍ବେତାଙ୍କ ସହ ଏବେର ଫଟୋ ମଧ୍ୟ ସେୟାର କରିଛନ୍ତି । ଫଟୋର କ୍ୟାପସନରେ ଅମିତାଭ ଲେଖିଥିଲେ ‘ଦିନେ ଏମିତି ଥିଲା, ଜାଣିପାରିଲିନି କେବେ ଏମିତି ହେଇଗଲା’ ।

ପ୍ରକାଶଥାଉକି, ଅମିତାଭ ଶେଷ ଥର ଫିଲ୍ମ ‘ବଦଲା’ରେ ନଜର ଆସିଥିଲେ । ଆଗକୁ ଫିଲ୍ମ ‘ବ୍ରହ୍ମାସ୍ତ୍ର’, ‘ଗୁଲାବୋ ସିତାବୋ’ଓ ‘ଚେହେରେ’ରେ ନଜର ଆସିବେ । ନିକଟରେ ଅମିତାଭ ‘ଗୁଲାବୋ ସିତାବୋ’ର ସୁଟିଂ ଆରମ୍ଭ କରିଛନ୍ତି । ତେବେ ଫିଲ୍ମର ‘ଚେହେରେ’ର ସୁଟିଂ ସମୟରେ ଗୋଟେ ଟେକରେ 14ମିନିଟ ସଟ୍ ଦେଇ ଚର୍ଚ୍ଚାରେ ଥିଲେ ଅମିତାଭ ।