ହନୁମାନ ଜୟନ୍ତୀର ଶୁଭେଚ୍ଛା ଜଣାଇଲେ ମହାନାୟକ

ଟ୍ବିଟ କରି ସମସ୍ତଙ୍କୁ ହନୁମାନ ଜୟନ୍ତୀରେ ଶୁଭେଚ୍ଛା ଜଣାଇଛନ୍ତି ଅମିତାଭ ବଚ୍ଚନ । ଏହାସହ ସେ ହନୁମାନ ଜୟନ୍ତୀ, ଜୁମ୍ମା ଏବଂ ଗୁଡ ଫ୍ରାଇଡେ ପାଳନ ମଧ୍ୟ କରିଛନ୍ତି ।

ମୁମ୍ବାଇ: ଶୁକ୍ରବାର ପୁରା ଦେଶ ହନୁମାନ ଜୟନ୍ତୀ, ଜୁମ୍ମା ଏବଂ ଗୁଡ ଫ୍ରାଇଡେ ପାଳନ କରିଥିଲେ । କାଲି ଏମିତି ଏକ ଦିନ ଥିଲା, ଯେଉଁଠାରେ ସବୁ ଧର୍ମର ଉତ୍ସବକୁ ପାଳନ କରାଯାଇଥିଲା । ଲୋକ ନିଜ ନିଜ ସମ୍ପର୍କୀୟଙ୍କୁ ଶୁଭକାମନା ଦେଇଥିବାବେଳେ ବଲିଉଡର ବିଗ-ବି ଅମିତାଭ ବଚ୍ଚନ ମଧ୍ୟ ସୋସିଆଲ ମିଡିଆରେ ଫ୍ୟାନ୍ସଙ୍କୁ ହନୁମାନ ଜୟନ୍ତୀର ଶୁଭକାମନା ଦେଇଛନ୍ତି ।

ଅମିତାଭ ଖାସ ଅନ୍ଦାଜରେ ହନୁମାନ ଜୟନ୍ତୀର ଶୁଭେଚ୍ଛା ଜଣାଇଛନ୍ତି । ସେ ଟ୍ବିଟରରେ ଲେଖିଛନ୍ତି, "ଆଜି ତ ଅମର ଆକବର ଆନ୍ଥୋନୀ ହୋଇଛି, ଆଜି ହନୁମାନ ଜୟନ୍ତୀ, ଜୁମ୍ମା, ଗୁଡ ଫ୍ରାଇଡେ ।"

ଅମିତାଭଙ୍କ ଏହି ଟ୍ବିଟ ପରେ ଫ୍ୟାନ୍ସ ମଧ୍ୟ ତାଙ୍କୁ ଏହି ଅନ୍ଦାଜରେ ୱିଶ କରିବା ଆରମ୍ଭ କରିଦେଇଥିଲେ । ଏହାପୂର୍ବରୁ ସେ ହନୁମାନ ଜୟନ୍ତୀର ଶୁଭେଚ୍ଛା ହନୁମାନ ଚାଳିସା ଟ୍ବିଟ କରି ଫ୍ୟାନ୍ସଙ୍କୁ ଶୁଭକାମନା ଜଣାଇଥିଲେ ।