ମୁମ୍ବାଇ: ଗ୍ରେଗରୀ ଡେଭିଡ ରୋବର୍ଟ୍ସଙ୍କ ଲେଖିତ ଫେମସ ଉପନ୍ୟାସ ‘ଶାନ୍ତାରାମ’ ପୁଣିଥରେ ଚର୍ଚ୍ଚାରେ । 17 ବର୍ଷରୁ ଏହି ଉପନ୍ୟାସକୁ ନେଇ ଚର୍ଚ୍ଚା । କେବେ ଏହା ଉପରେ ଫିଲ୍ମ ନିର୍ମାଣ ତ ଆଉ କେବେ ୱେବ ସିରିଜକୁ ନେଇ ଖବର ସାମ୍ନାକୁ ଆସିସାରିଛି । ଖାଲି ଏତିକି ନୁହେଁ ଏହାସହ ବିଗ ବି ଅମିତାଭ ବଚ୍ଚନଙ୍କ ନାମ ମଧ୍ୟ ସମ୍ପୃକ୍ତ କରାଯାଉଛି । ହେଲେ ଏଯାବତ ‘ଶାନ୍ତାରାମ’ ଉପରେ କୌଣସି ଫିଲ୍ମ ନା ସିରିଜ ନିର୍ମାଣ ହୋଇଛି। ନା ଅମିତାଭ କେବେ ମଧ୍ୟ ଏହା ବିଷୟରେ କୌଣସି ସୂଚନା ଦେଇଛନ୍ତି । ତେବେ ଆସନ୍ତୁ ଜାଣିବା ପୁରା ମାମଲାଟି...
17 ବର୍ଷ ପରେ ପୁଣି ଉପନ୍ୟାସ ‘ଶାନ୍ତାରାମ’ର ଚର୍ଚ୍ଚା, ଅମିତାଭଙ୍କ ସହ କନେକ୍ସ
ଏମିତି ଏକ ଉପନ୍ୟାସ ଯାହାକୁ ନେଇ ଅନେକ ବର୍ଷରୁ ଚାଲିଛି କଳ୍ପନାଜଳ୍ପନା । ଯାହା ଉପରେ ନିର୍ମାଣ ହେବ ୱେବ ସିରିଜ । ଆଉ ଅଭିନୟ କରିବେ ଅମିତାଭ ବୋଲି ହେଉଛି ଚର୍ଚ୍ଚା ।
ଫଟୋ ସୌଜନ୍ୟ: ଇଟିଭି ଭାରତ, ବ୍ୟୁରୋ
କଥାଟି ହେଲା ଯେ ଗୁରୁବାର ସକାଳୁ ଏହି ଚର୍ଚ୍ଚା ପୁଣି ଜୋର ଧରିଛି ଯେ ‘ଶାନ୍ତାରାମ’ ଉପରେ ୱେବ ସିରିଜ ନିର୍ମାଣ ହେବାକୁ ଯାଉଛି । ଯାହାର ସୁଟିଂ ଆସନ୍ତା ବର୍ଷ ଜାନୁଆରୀରୁ ଆରମ୍ଭ ହେବ ।
ଖାଲି ଏତିକି ନୁହେଁ ଚର୍ଚ୍ଚାରେ କୁହାଯାଉଛି ଯେ ଅମିତାଭ ଏହି ୱେବ ସିରିଜରେ ଅଭିନୟ କରୁଥିବାର ନଜର ଆସିବେ । ଯେଉଁଥିରେ ସେ ଜଣେ ଅପରାଧୀର ଭୂମିକାରେ ଦେଖାଯିବେ। ଏହା କେତେ ଦୂର ସତ ତାହା ଅମିତାଭ ବୟାନ ଦେବାପରେ ହି ଜଣାପଡିବ।