ମୁମ୍ବାଇ: ବଲିଉଡର ବିଗ-ବି ଅମିତାଭ ବଚ୍ଚନଙ୍କ ହିଟ୍ ଫିଲ୍ମ 'ବଦଲା' ନିକଟରେ ରିଲିଜ ହୋଇଥିଲା । ଏହି ଫିଲ୍ମର ଷ୍ଟୋରୀଠୁ ନେଇ ଅମିତାଭ ଓ ତାପସୀ ପନ୍ନୁଙ୍କ ଅଭିନୟ ପର୍ଯ୍ୟନ୍ତ ଖୁବ୍ ପ୍ରଶଂସା କରାଯାଇଥିଲା । ଦର୍ଶକଙ୍କ ଠାରୁ ଫିଲ୍ମକୁ ଶାନଦାର ପ୍ରତିକ୍ରିୟା ମିଳିଥିଲା । ଆୟ ମାମଲାରେ ଫିଲ୍ମଟି 85 କୋଟିରୁ ଅଧିକ ଆୟ କରିସାରିଛି । ଏହି ସଫଳତା ଉପରେ କେହି ମଧ୍ୟ କଥା ନହେବାରୁ ଅସନ୍ତୋଷ ହୋଇଛନ୍ତି ବିଗ-ବି ।
ସେ ଫିଲ୍ମ ପ୍ରଯୋଜନା ଟିମ, ଶାହରୁଖ ଖାନଙ୍କ ଠାରୁ ନେଇ ଅନ୍ୟ ସଦସ୍ୟଙ୍କୁ ଟ୍ବିଟରରେ ଟ୍ରୋଲର କରିଛନ୍ତି । ବକ୍ସ ଅଫିସରେ ଆୟ ସହ ସମ୍ପୃକ୍ତ ଥିବା ଏକ ଟ୍ବିଟକୁ ରିଟ୍ବିଟ କରି ଅମିତାଭ ଲେଖିଥିଲେ, "ଏବେ ସମୟ ଆସିଯାଇଛି କେହି ଏହି ଫିଲ୍ମର ସାଇଲେଣ୍ଟ ସକ୍ସେସ ବିଷୟରେ କଥା ହୁଅନ୍ତୁ । କାରଣ ନା ଫିଲ୍ମ ପ୍ରଯୋଜକ, ନା ଡିଷ୍ଟ୍ରିବ୍ୟୁଟର, ନା ଲାଇନ ପ୍ରଯୋଜକ, ନା ଇଣ୍ଡଷ୍ଟ୍ରିରେ କେହି ମଧ୍ୟ ବଦଲାର ପ୍ରଶଂସା କରିବା ପାଇଁ ନିଜର 9 ସେକେଣ୍ଡ ଲଗାଇଛନ୍ତି । ଧନ୍ୟବାଦ ।"