ମୁମ୍ବାଇ: କୋରୋନା କାଳରେ ମାସ୍କ ପିନ୍ଧିବା କେତେ ଆବଶ୍ୟକ ତାହା ତ ସମସ୍ତଙ୍କୁ ଜଣା । ହେଲେ କଣ ଆପଣ ଜାଣିଛନ୍ତି ମାସ୍କକୁ ହିନ୍ଦୀରେ କଣ କୁହାଯାଏ । ଯଦି ଜାଣିନାହାଁନ୍ତି ତେବେ ବିଗ ବି ଅମିତାଭ ବଚ୍ଚନଙ୍କ ସୋସିଆଲ ମିଡିଆ ପୋଷ୍ଟରୁ ଜାଣିପାରିବେ । ଆଜ୍ଞା ହଁ, ସବୁଥର ପରି ଏଥର ମଧ୍ୟ ଅମିତାଭ ମାସ୍କର ହିନ୍ଦୀ ଅନୁବାଦ କରିଛନ୍ତି । ଏହାସହ ସେ ନିଜର ଏକ ଫଟୋ ସହ ପୋଷ୍ଟ ମଧ୍ୟ ସେୟାର କରିଛନ୍ତି ।
ପୋଷ୍ଟରେ ଅମିତାଭ ‘ଗୁଲାବୋ-ସିତାବୋ’ର ମାସ୍କ ପିନ୍ଧିଥିବାର ଦେଖାଯାଉଛନ୍ତି । ଏହାର କ୍ୟାପସନରେ ସେ ଲେଖିଛନ୍ତି, ‘ମିଳି ଗଲା ମିଳି ଗଲା, ବହୁତ ପରିଶ୍ରମ ପରେ ମାସ୍କର ହିନ୍ଦୀ ଅନୁବାଦ ମିଳିଛି । ମାସ୍କକୁ ହିନ୍ଦୀରେ କୁହନ୍ତି ନାସିକାମୁଖସଂରକ୍ଷକ କିଟାପୁରୋଧକ ବାୟୁଛାନକ ବସ୍ତ୍ରଜଡୋରିୟୁକ୍ତପଟ୍ଟିକା ।’