ମୁମ୍ବାଇ: ମହାନାୟକ ଅମିତାଭ ବଚ୍ଚନ ଆଜିକାଲି ସୁଜିତ ସରକାରଙ୍କ ଆଗାମୀ ଫିଲ୍ମ 'ଗୁଲାବୋ ସିତାବୋ'ର ସୁଟିଂରେ ଖୁବ୍ ବ୍ୟସ୍ତ । ଅନ୍ୟପଟେ ଅମିତାଭ ମୁମ୍ବାଇ ଠାରୁ 90 କିଲୋମିଟର ଦୂର ୱଙ୍ଗାନୀରେ ଉଦ୍ଧାର କାର୍ଯ୍ୟ କରି ବନ୍ୟା ପାଣିରେ ଫଶି ଥିବା ମହାଲକ୍ଷ୍ମୀ ଏକ୍ସପ୍ରେସ ଯାତ୍ରୀଙ୍କୁ ସୁରକ୍ଷିତ ରୂପେ ବାହାର କରିବା ପ୍ରଶଂସା କରିଛନ୍ତି । ସେ ଏନଡିଆପଏଫ, ଭାରତୀୟ ରେଳବାଇ ବିଭାଗ, ଭାରତୀୟ ବାୟୁସେନା, ନୈସେନା ଏବଂ ମହାରାଷ୍ଟ୍ର ପ୍ରଶାସନର ପ୍ରଶଂସା ସୋସିଆଲ ମିଡିଆରେ କରିଛନ୍ତି।
ମହାଲକ୍ଷ୍ମୀ ଏକ୍ସପ୍ରେସ ସୁରକ୍ଷା ଅଭିଯାନର ପ୍ରଶଂସାରେ ବିଗ ବି
ଟ୍ବିଟ କରି ମହାଲକ୍ଷ୍ମୀ ଏକ୍ସପ୍ରେସ ସୁରକ୍ଷା ଅଭିଯାନର ଖୁବ୍ ପ୍ରଶଂସା କରିଛନ୍ତି ଅମିତାଭ ବଚ୍ଚନ । ମୁମ୍ବାଇ ଠାରୁ 90 କିଲୋମିଟର ଦୂର ୱଙ୍ଗାନୀରେ ବ୍ୟାନ ପାଣିରେ ପଶିଥିବା ମହାଲକ୍ଷ୍ମୀ ଏକ୍ସପ୍ରେସ ଯାତ୍ରୀଙ୍କୁ ସୁରକ୍ଷିତ ରୂପେ ଗତ ଶନିବାର ବାହାର କରାଯାଇଛି ।
ଫଟୋ ସୌଜନ୍ୟ:ଇନଷ୍ଟାଗ୍ରାମ@ଅମିତାଭ ବଚ୍ଚନ
ସେ ଟ୍ବିଟରେ ସୁରକ୍ଷା ଅଭିଯାନର ସାହସିକତା ବିଷୟରେ କହି ଲେଖିଛନ୍ତି, " ସୁରକ୍ଷା ଅଭିଯାନ କରି ମହାଲକ୍ଷ୍ମୀ ଏକ୍ସପ୍ରେସର 1200ରୁ ଅଧିକ ଯାତ୍ରୀଙ୍କୁ ସୁରକ୍ଷିତ ରୂପେ ବାହାର କରିବା ପାଇଁ ଏନଡିଆରଏଫକୁ ଧନ୍ୟବାଦ। ଅନ୍ୟପଟେ ନୌସେନା, ବାୟୁସେନା, ରେଳ ବିଭାଗ ଏବଂ ରାଜ୍ୟ ପ୍ରଶାସନ ପ୍ରଶଂସନୀୟ କାର୍ଯ୍ୟ କରିଛନ୍ତି । ଏହା ସାହସିକ ଏବଂ ସଫଳ ଅଭିଯାନ ସାବ୍ୟସ୍ତ ହୋଇଛି । ଆପଣଙ୍କ କାର୍ଯ୍ୟରେ ଆମେ ଗର୍ବିତ । ଜୟ ହିନ୍ଦ୍। "
ମହାରାଷ୍ଟ୍ରରେ 2005 ଜୁଲାଇ 26 ରେ ଆସିଥିବା ବନ୍ୟା ପରେ ଏହା ଏଯାବତର ସବୁଠାରୁ ବଡ ସୁରକ୍ଷା ଏବଂ ସୁରକ୍ଷିତ ଅଭିଯାନ ସାବ୍ୟସ୍ତ ହୋଇଛି । ଏଥିରେ 3ରୁ 5 ଫୁଟ ପାଣିରେ ଭିତରକୁ ଯାଇ ଉଦ୍ଧାରାକାରୀ 1200ରୁ ଅଧିକ ଯାତ୍ରୀଙ୍କୁ ଜୀବନ ସୁରକ୍ଷା ସହ ବଞ୍ଚାଇବାରେ ସଫଳ ହୋଇଛନ୍ତି । ସବୁ ଯାତ୍ରୀଙ୍କୁ ସୁରକ୍ଷିତ ପାଣିରୁ ବାହାର କରିବା ପରେ ଗତ ଶନିବାର ଏହି ଅଭିଯାନ ଶେଷ ହୋଇଥିଲା ।