ମୁମ୍ବାଇ: ମହାନାୟକ ଅମିତାଭ ବଚ୍ଚନଙ୍କୁ ଖୁବଶୀଘ୍ର ଭାରତୀୟ ସିନେମାର ସବୁଠାରୁ ବଡ ସମ୍ମାନ ଦାଦା ସାହେବ ଫାଲକେ ଆୱାର୍ଡ ମିଳିବାକୁ ଯାଉଛି । ମଙ୍ଗଳବାର ରାତିରେ ଏହି କଥାର ଘୋଷଣା କରାଯାଇଥିଲା । ଯାହା ପରଠାରୁ ସୋସିଆଲ ମିଡିଆରୁ ବିଗ ବିଙ୍କ ଚର୍ଚ୍ଚା ହେବାରେ ଲାଗିଛି । ସେ ମଧ୍ୟ ଏହି ସମ୍ମାନ ପାଇବାକୁ ନେଇ ଭାବୁକ ନଜର ଆସିଛନ୍ତି । ଆଉ ଭାବବିହ୍ବଳ ରୂପେ ନିଜ ମନ କଥା ଜାହିର କରିଛନ୍ତି ।
ମଙ୍ଗଳବାର ରାତିରେ ସୋସିଆଲ ମିଡିଆରେ ସୂଚନା ପ୍ରାସରଣ ମନ୍ତ୍ରୀ ପ୍ରକାଶ ଜାଭେଦକର ଏହି ଖବର ସୂଚନା ଦେଇଥିଲେ । ଯାହାକୁ ନେଇ ଏବେ ଅମିତାଭଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ସେ ହାତ ଯୋଡି ଏହି ସମ୍ମାନ ପାଇଁ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି ।