ହାଇଦ୍ରାବାଦ: ବଲିଉଡର ମହାନାୟକ ଅମିତାଭ ବଚ୍ଚନ ଓ ପୁଅ ଅଭିଷେକ ବଚ୍ଚନଙ୍କ ଭିତରେ ହେବ ଲଢେଇ । ସେ ପୁଣି ବକ୍ସଅଫିସରେ । ଅନେକ ଦିନର ବିରତି ପରେ ପରଦା ଉପରକୁ ଫେରୁଛନ୍ତି ଅଭିଷେକ ବଚ୍ଚନ । ଅନୁରାଗ ବସୁଙ୍କ ଆକ୍ସନ କମେଡି ଫିଲ୍ମରେ ନଜର ଆସିବେ ଅଭିଷେକ ।
ତେବେ ଫିଲ୍ମର ନାମ ଘୋଷଣା ହୋଇନଥିଲେ ମଧ୍ୟ ଫିଲ୍ମର ରିଲିଜ ତାରିଖକୁ ଘୋଷଣା କରାଯାଇଛି । ଫିଲ୍ମଟି ଆଗାମୀ ବର୍ଷ 21 ଫେବୃଆରୀରେ ରିଲିଜ ହେବ । ମଜାକଥା ହେଲା ସେହିଦିନ ହିଁ ବାପା ଅମିତାଭ ବଚ୍ଚନଙ୍କ ଫିଲ୍ମ ‘ଚେହେରା’କୁ ରିଲିଜ କରାଯିବ ।