ନୂଆଦିଲ୍ଲୀ: ବୟସର ଆଉ ଏକ ପାହାଚରେ ପାଦ ଦେଇଛନ୍ତି ବଲିଉଡର ଆଙ୍ଗ୍ରୀ ୟଙ୍ଗମ୍ୟାନ । ସେ ସମସ୍ତଙ୍କର ଏଭର ଗ୍ରୀନ ହିରୋ । ଲକ୍ଷଲକ୍ଷ ଦର୍ଶକଙ୍କ ଆଇକନ ।
ଆଜି ବିଗ୍ ବି ଅମିତାଭ ବଚ୍ଚନଙ୍କ 78ତମ ଜନ୍ମଦିନ । ଏହି ଅବସରରେ ସାରା ଦେଶରୁ ତାଙ୍କୁ ଶୁଭେଚ୍ଛାର ସୁଅ ଛୁଟୁଛି । ଏଭଳି ପରିସ୍ଥିତିରେ ସମସ୍ତଙ୍କୁ ଆକର୍ଷିତ କରିଥିବା ଅମୁଲ ଅମିତାଭଙ୍କୁ ଏକ ଭିଡିଓ ମାଧ୍ୟମରେ ଜନ୍ମଦିନର ଶୁଭେଚ୍ଛା ଜଣାଇଛି ।
ଯେଉଁଥିରେ ଅମିତାଭଙ୍କ ଅନେକ କାର୍ଟୁନ୍ ଫଟୋର ଏକ କୋଲାଜ୍ କରାଯାଇଛି । ଏହି ଭିଡିଓରେ ବିଗ ବିଙ୍କ ଲୋକପ୍ରିୟ ତଥା ସୁପରହିଟ୍ ଚଳଚ୍ଚିତ୍ର ଏବଂ ସଫଳତା ମଧ୍ୟ ଅନ୍ତର୍ଭୁକ୍ତ '' ।
ଏହା ବ୍ୟତୀତ ଇଣ୍ଡଷ୍ଟ୍ରିର ତାରକାମାନେ ମଧ୍ୟ ଅମିତାଭଙ୍କୁ ଶୁଭେଚ୍ଛା ଜଣାଇଛନ୍ତି । ସମସ୍ତଙ୍କୁ ଧନ୍ୟବାଦ ଜଣାଇ ଅମିତାଭ ଏକ ପୋଷ୍ଟ କରିସାରିଛନ୍ତି । ବିଗ ବି କହିଥିଲେ ଯେ ତୁମ ସମସ୍ତଙ୍କ ଭଲପାଇବା ମୋ ପାଇଁ ସବୁଠାରୁ ବଡ ଉପହାର ।
ଆଗାମୀ ସମୟରେ ଅମିତାଭଙ୍କୁ ବ୍ରହ୍ମାସ୍ତ୍ର, ଚେହେରେ ଏବଂ ଝୁଣ୍ଡ ଭଳି ଚଳଚ୍ଚିତ୍ରରେ ଦେଖିବାକୁ ମିଳିବ ।