ମୁମ୍ବାଇ: କିଛି ଦିନରୁ ଦେଶରେ ଚାଲିଥିବା ଚାଷୀ ଆନ୍ଦୋଳନ ସମର୍ଥନ କରିଆସୁଛନ୍ତି ଆମେରିକାର ଆଡଲ୍ଟ ଷ୍ଟାର ମିଆ ଖଲିଫା । ସେ ଏହି ଆନ୍ଦୋଳନ ଉପରେ ବାରମ୍ବାର ନିଜର ପ୍ରତିକ୍ରିୟା ଦେବାରେ ଲାଗିଛନ୍ତି । ଯାହା ପାଇଁ ତାଙ୍କୁ ସମାଲୋଚନାର ଶିକାର ହେବାକୁ ମଧ୍ୟ ପଡୁଛି । ହେଲେ ସେ ଏହାକୁ ଖାତିର ନକରି ଗୋଟିଏ ପରେ ଗୋଟିଏ ଟ୍ବିଟ କରୁଥିବାର ନଜର ଆସୁଛନ୍ତି । ଇତିମଧ୍ୟରେ ତାଙ୍କୁ ନେଇ ନୂଆ ଖବର ସାମ୍ନାକୁ ଆସିଛି । ଏଥର ସେ ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରାଙ୍କୁ ଚାଷୀ ଆନ୍ଦୋଳନ ଉପରେ ପ୍ରଶ୍ନ ପଚାରିଛନ୍ତି ।
କଥାଟି ହେଲା ଯେ ସେ ସୋମବାର ଏକ ଟ୍ବିଟ କରି ଲେଖିଥିଲେ, ‘ ମିସେସ ଜୋନସ କେଉଁ ଅବସରରେ ମୁହଁ ଖୋଲିବେ ଆପଣ ? ମୋର ଜିଜ୍ଞାସା ବଢିଚାଲିଛି ଏହା ଜାଣିବା ପାଇଁ । ବେରୁଟ ବିନାଶ ସମୟର ଭାଇବ୍ସ ଆସୁଛି । ଶାନ୍ତି ।’